Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Гил таркибига дала шпати, темир рудаси, доломит, магнезит, қумтош, 
талк, шиша кукуни, перлит ва бошқалар керамик буюмларнинг пишириш 
ҳароратини пасайтириш учун қўшилади. 
Керамик буюмларнинг кислотага бардошлилигини ошириш учун 
таркибига суюқ шиша ва қум аралашмалари биргаликда қўшилади. Темир, 
кобалт, хром, титан ва бошқа металлар оксидлари киритилиб, рангли 
керамика буюмлари тайёрланади. 
Керамик буюмлар сув ўтказмаслиги ёки юзаси текис, чиройли бўлиши 
учун юзаси глазур ёки ангоб билан қопланади (сирланади). Глазур 0,1-0,2 мм 
қалинликдаги шишасимон қоплама бўлиб, пишириш жараёнида керамик 
материалларга катта куч билан ёпишади. 
Глазурлар шаффоф ва шаффоф эмас турли рангларда бўлади. Глазур 
кварц қуми, каолин, дала шпати, ишқорли ва еришқорли металлар 
аралашмаларидан кукун ҳолатда тайёрланади ва буюм юзига кукун ёки 
суспензия холатида пиширишдан олдин суртилади. 
Ангоб оқ ёки рангли гил қоришмасини буюм юзига суртилиб, пишириб 
олинган ялтирамайдиган қоплама бўлиб, буюмларнинг юза қисми зичлигини 
оширади. Ангоб ва керамик буюмлар хоссалари ўхшаш бўлиши зарур, акс 
холда қоплама кўчиб кетиши мумкин. 
 
Назорат саволлари 
1. Керамик материаллар хом ашёси таркибини қайси асосий минераллар 
ташкил этади? 
2. Керамик буюмлар тайёрлашда пластик, ярим қуруқ усулларни тушунтириб 
беринг. 
3. Оддий ва эффектив ғишт турларини изохлаб беринг. 
4. Чинни, ярим чинни ва фаянс буюмлар таркиби ва хоссаларини айтиб 
беринг. 
5. Керамик қоплама плиткалар таркиби ва асосий хоссаларини айтиб беринг. 
6. Қандай керамик ғовак тўлдиргичларни биласиз? 

---

84 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б.