Н а м о з – энг улуғ ибодат (МУсулмон йигит-қизларнинг дин китоби)

рАМАЗОН ҲАйИТИ НАМОЗИ
Рамазон ҳайитида икки ракъат «ийди фитр» намозини адо 
этиш вожибдир.
«Ийди фитр» намози қуйидаги тартибда ўқилади: қиблага қа-
раб: «Икки ракъат ийди фитр намозини ушбу имомга иқтидо қилиб, 
юзимни Каъбанинг бир томонига қаратиб, холис Аллоҳ таоло учун 
ҳамма такбирлари билан адо этишни ният қилдим», деган мазмун-
да ният қилингач, «Аллоҳу акбар», деб биринчи такбир айтилиб, 
қўллар боғланади. Овоз чиқармасдан «Сано» («Субҳаанака...») 
ўқилади. Сўнг имом билан биргаликда яна уч бор «Аллоҳу акбар», 
деб қўллар қулоқлар тўғрисига кўтарилиб, такбир айтилади, аммо 
бу такбирларнинг аввалги иккитасидан кейин қўллар ёнга ташлаб 
турилади. Учинчи такбирдан сўнг қўллар боғланади.
Имом Фотиҳа сураси билан бир сурани ўқийди, бошқалар қу-
лоқ солиб, жим туришади. Сўнгра рукуъ ва икки сажда қилиниб, 
иккинчи ракъатга турилади.
Иккинчи ракъатда имом яна Фотиҳа сураси ва зам сура ўқий-
ди. Сўнгра рукуъдан аввал яна уч марта такбир айтилади, такбир-
лар орасида қўллар қулоқлар тўғрисигача кўтарилади ва такбир-
лар орасида улар ёнда тутилади.
Тўртинчи такбирни айтиб, рукуъга борилади. Рукуъ ва икки 
сажда қилиб, қаъдада ўлтирилади, «ташаҳҳуд», салавот, дуо ўқиб, 
салом берилади.
Сўнг имом минбарга чиқади. Хутбани ўқиганидан кейин яна 
меҳробга қайтади, дуо қилади.

---

76
Рамазон ҳайити куни тонг отгач, ҳайит намозигача тамадди 
қилиб, тишларни мисвок билан тозалаб, ғусл қилиб покланиб, 
хушбўй атиру гулоблар сепиб, покиза, оҳорли кийимлар ки-
йиб, фитр садақасини бериб, ҳайит намозига бориш мустаҳаб 
амаллардандир. Ҳайит намозигача нафл намоз ўқиш макруҳ.
Жума намози кимларга вожиб бўлса, ҳайит намози ҳам уларга 
вожибдир. Намоздан сўнг икки хутба ўқиш суннатдир.
Ҳайит намозининг вақти қуёш бир найза бўйи кўтарилгач, то туш 
вақтигачадир. Туш вақти киргач, ҳайит намозини ўқиб бўлмайди.