Н а м о з – энг улуғ ибодат (МУсулмон йигит-қизларнинг дин китоби)

ҳузуридадир. Уни фақат ўзигина ўз вақтида зоҳир қиладир. У 
осмонлару ерда оғир иш бўладир. сизларга фақат тўсатдан ке-
ладир», – деб айт. Худди сен ундан хабардордек, сендан сўрар-
лар. сен: «Унинг илми фақат Аллоҳнинг ҳузуридадир. Лекин 
одамларнинг кўплари билмаслар», – деб айт» (187-оят).
Уламолар қиёмат соатларининг белгиларини катта ва кичикка 
ажратишган. Катта аломатлар ўнта бўлиб, улар: қуёшнинг мағ-
рибдан чиқиши, Даббатул-арз (ер ҳайвони), Яъжуж-Маъжуж, 
Дажжолнинг чиқиши, Исо алайҳиссаломнинг тушишлари, Имом 
Маҳдийнинг чиқишлари кабилардир. Охир замонга яқин одам-
ларнинг бузилиб кетишлари, Аллоҳнинг динидан узоқлашиб, 
ораларида фитналар содир бўлиши, илмнинг ва илм аҳлининг 
исканжага олиниши, зилзила, тўфон каби офатларнинг кўпайи-
ши, вақтдан барака кетиши, мол-дунё кўпайиб, садақа оладиган 
муҳтожнинг топилмаслиги, аёлларнинг кўпайиб кетиши кабилар 
қиёматнинг кичик аломатларидандир.
АқИйДА
«Ақида» сўзи луғатда «тугиб қўйиш» маъносидаги «ақд» ўза-
гидан ясалган. Истилоҳда Пайғамбаримиз соллаллоҳу алайҳи ва-
саллам етказган барча нарсаларнинг ростлигини тасдиқлаб, қалб 
ва кўнгил боғлаб ишонилиши лозим бўлган нарсалар «ақида» де-
йилади. Ақийдани тўғрилаш ва уни мустаҳкамлаш ҳақида Сўфи 
Оллоҳёр шундай ёзганлар:

---

16
Ақида билмаган шайтона элдур,
Агар минг йил амал деб қилса – елдур.
Ақида масалалари замон, макон, шахс ва жамият ҳаётига кўра 
ўзгармайди. Ақийда масалалари яхлит бўлиб, бир қисмига ишо-
ниш, бошқа қисмига ишонмаслик мумкин эмас. Ақийдага доир 
илк асар ёзган ва асарлари шу кунгача етиб келган зот Абу Ҳа-
нифадир. У кишининг «Ал-Фиқҳул-акбар», «Ал-Фиқҳул-абсат», 
«Ар-Рисола», «Ал-Олим вал-мутаъаллим» ва «Ал-Васиййа» дея 
танилган беш асарида ақоид масалаларидан баҳс юритилади.
Бутун дунё мусулмонлари ақийдада шайх Абу Мансур Мо-
туридий ас-Самарқандий ва шайх Абул Ҳасан ал-Ашъарий таъ-
лимотига таянадилар. Мотуридийялар имоми Аъзам Абу Ҳанифа 
раҳматуллоҳи алайҳ ақийдасига суянсалар, Ал-Ашъарий ақий-
дасига Имом Шофеъий, Имом Молик, Имом Ҳанбал мазҳабла-
ри асос бўлган. Ҳар иккала ақийда соҳиблари «Аҳли сунна вал-
жамоа»нинг асосини ташкил этишган. Юртимиз мусулмонлари 
ақийдада яъни Абу Ҳанифа мазҳабидадирлар.