Murakkab sharoitlarda neft va gaz quduqlarini qazish

Qiya quduqlarni burg’ilashning maqsadi. Qiya quduqlar quyidagi hollarda burg‘ilanadi:

1. Yer yuzidan vertikal quduqlarni burg’ilash imkoni bo‘lmaganda;

2. Quduq tanasi uzilma zonasidan mahsuldor gorizontlarga qarab og‘ganda;

3. Okean, dengiz, ko‘l, daryo, botqoqliklar ostida joylashgan mahsuldor qatlamlarni ochishda;

4. Quduq tanasini tuz gumbazi tagida joylashgan neft qatlamlariga yo‘naltirishda;

5. O‘pirilish zonasini chetlab o‘tish zaruriyati tug‘ilganda hamda burg‘ilash eritmalarining jadal yutilishi sodir bo‘lganda;

6. Monoklinal turdagi tikkasiga yotgan qatlamlarni, shuningdek uzilma tagida yoki ikki parallel uzilma orasida joylashgan neft va gaz qatlamlarini ochishda (11.2-rasm).

7. Quduq tanasini notekis relyefli joylar (jar, tepalik, tog‘) tagidagi mahsuldor qatlamlarga yo‘naltirishda;

8. Neft va gaz kuduqlarini burg‘ilash vaqtini kamaytirish maqsadida ttarmoqli burg‘ilashda;

9. Halokatlarni bartaraf etish imkoni bo‘lmaganda yangi tana bilan o‘tish zaruriyati tug‘ilganda.

10. Yonayotgan favvoralarni o‘chirishda va ochiq otilishlari bartaraf etishda.