Murakkab sharoitlarda neft va gaz quduqlarini qazish

I.4. Quduqlarning tasnifi

Joylashish hududlariga, geologik-texnik sharoitlariga va maqsadlariga qarab barcha turdagi quduqlar quyidagi toifa va guruhlarga bo‘linadi:

tayanch qudug‘i - ma’lum bir hududlarining geologik-tektonik tuzilishi, gidrogeologik sharoiti, neft va gaz to‘planishi qulay bo‘lgan cho‘kindi tog‘ jinslarining turlarini, tarkibini, fizik-kimyoviy hamda Mexanik xossalarini, yoshini va ularning tarqalish qonuniyatlarini, neft va gazga bo‘lgan istiqbolli yo‘nalishlarini aniqlashga mo‘ljallangan;

parametrik quduq - yer qa’rining chuqur qismini geologik kesimini, tektonik strukturasini o‘rganishga, maxsus geologik-qidiruv ishlarini o‘tkazish uchun istiqbolli maydonlarni ajratishga mo‘ljallangan quduq. Bu quduqni burg’ilash natijasida stratigarfik kesim holati oydinlashadi, uglevodorod to‘planishi mumkin bo‘lgan oraliq topiladi, uglevodorod saqlanishi qulay joy aniqlanadi, tog‘ jinslarining geologik strukturalari topiladi, geofizik tadqiqotlar olib boriladi, harorat ko‘rsatgichi aniqladi hamda geologik-qidirish ishlarini o‘tkazish uchun neft-gazga istiqbolli maydon ajratiladi.