Murakkab sharoitlarda neft va gaz quduqlarini qazish

ishlatish qudug‘i - neft, gaz, mineral, oddiy va termal suvlarni, mineral tuzlarni qazib olishga mo‘ljallangan quduq. Qazib olinayotgan foydali qazilma turlariga qarab foydalanish qudug‘i neftli, gazli, gidrogeologik, geotexnologik, gidrotermal quduqlarga bo‘linadi.

baholash qudug‘i - tog‘ jinsi qatlamining kollektorlik xossalarini, ishlash rejimini, kon maydonlarining chegarasini, parmalanuvchilik darajasini hamda qazib olish sxemasini aniqlab xomashyolarni baholaydigan quduq;

haydash (yuttirish) - qudug‘i - neft va gaz konlarining chegara orti zonasidagi qatlam bosimini bir meyorida saqlab turish uchun suvni yoki gazni bosim bilan haydashga mo‘ljallangan quduq;

kuzatish qudug‘i - neft va gaz konlaridan foydalanishning tartibini muntazam ravishda nazorat qilishiga hamda yer osti suv yuzasi sathini, harakatini, kimyoviy tarkibini, bosimini, namuna olish usulini, suv chiqarishini, suvli qatlamlarning o‘zaro bog‘liqligini kuzatishga mo‘ljallangan quduq;

maxsus quduq - neft va gaz kon ko‘rsatgichlarini o‘rganish, gaz omborlarini qazish, ularga gazlarni haydash, saqlash hamda texnik suvlarni haydashga mo‘ljallab parmalanadigan quduq. Uning geologik, geofizik izlanishlarda parmalanadigan portlatish, zarbali portlatish, ultra tovushli, elektr impulsli turlari mavjud.

geofizik quduq - tog‘ jinslarining fizik-Mexanik xossalarini, har xil geofizik anomaliyalarni o‘rganishga va mahsuldor qatlamlarning chegarasini, tarkibini aniqlashga xizmat qiluvchi quduq;