Murakkab sharoitlarda neft va gaz quduqlarini qazish

Bir sharoshkali burg’u – katta chuqurliklarda joylashgan darzli, kam abrazivli, o‘rtacha qattiqlikdagi tog‘ jinslarini rotorli usulda burg’ilashga mo‘ljallangan. Burg’uning sharoshkasi shar shaklida bo‘lib, sapfa asosi tomondan kesilgan va uning markazi burg’uning aylanish o‘qida yotadi. Shuning uchun sharoshka aylanganda jins yemiruvchi asbob elementlari quduq tubidan ajramasdan tog‘ jinsiga kesish-parchalash ta’sirini ko‘rsatadi. Konussimon sharoshkali burg’ular bir, ikki, uch va to‘rt sharoshkali turlarda bo‘lishi mumkin.

Yuvish eritmasini quduq tubiga o‘tkazib yuborish uchun burg’u bitta qiya joylashgan yuvish teshigi bilan ta’minlangan. Bu burg’ularning diametri 97, 140, 190 va 214 ga teng

4.12-rasm. Sharoshkali dolotalar.

Ikki sharoshkali burg’u – yumshoq, qovushqoq va o‘rtacha qattiqlikdagi qatlamlardan tashkil topgan tog‘ jinslarini burg’ilashga mo‘ljallangan (7.3-rasm).

Burg’u asosan korpusdan va bir-biriga po‘lat bilan shtamplangan ikkita ko’rrakdan iborat. Hozirda diametrlari 0,46, 0,59, 0,93, 0,112, 0,132, 0,151, 0,190 va 0,214 m bo‘lgan ikki sharoshkali burg’ular tayyorlanadi.

4.13-rasm. Seksiyali uch sharoshkali burg’u1-sharoshka; 2-roliklar; 3-sharchalar; 4, 7-shtiftlar; 5-barmoq; 6-panja (ko’rak); 8- bog‘lovchi rezba.

Neft va gaz quduqlarini hajmiy tubli qilib burg’ilashda qo‘llaniladigan sharoshkali burg’ularning burg‘ilab o‘tish xolatlari qisqa xarflar orqali keltirib o‘tiladi.

5.2-jadval

Turli xil tog‘ jinslarini paralashga mo‘ljallangan burg’u markalari
M	Eng yumshoq, sementlanmagan tog‘ jinslari (yumshoq, yopishqoq slanets, gil, ohaktosh)