Murakkab sharoitlarda neft va gaz quduqlarini qazish

4 .9 -rasm. Olti ko’rakli PDS dolotalari
4.10.-rasm. Uch ko’rakli 6 nasatkali PDC va koronkali dolotalari.
4.8. Konstruktiv tuzilishi bo‘yicha burg’ularning

turlarga ajratilishi

Tuzilishiga ko‘ra burg’ular quyidagi turlarga bo‘linadi:

a) ko’rakli burg’ular;

b) sharoshkali burg’ular;

v) olmosli burg’ular;

g) qattiq qotishmali burg’ular;

d) maxsus ishlarga mo‘ljallangan burg’ular.

Ko’rakli Burg’ular - konstruksiyasi va jihozlanishiga qarab yumshoq, o‘rtacha qattiqlikdagi hamda kam abrazivli tog‘ jinslarini burg’ilashga mo‘ljallangan. Neft va gaz quduqlarini burg’ilashda ikki, uch va olti ko’rakli burg’ular qo‘llaniladi. Ko’rakli burg’ular asosan neft va gaz quduqlarini rotorli va turbinli usulda burg’ilashda ishlatiladi.

Ikki ko’rakli burg’u - korpus va bir-biriga shtampovka qilingan ikkita ko’rakdan tashkil topgan.

Burg’ilash jarayonida ikki ko’rakli burg’uning «baliq dumi» deb ataluvchi turi ko‘proq ishlatiladi. Bu burg’ularning diametri 0,76 dan 0,161 m gacha bo‘ladi.

Burg’uni burg’ilash quvurlari birikmasiga ulash uchun uning yuqori qismida konussimon rezbasi, pastki qismida esa ikkita ko’ragi mavjud. Ikki ko’rakli burg’uning kallagi burg’ilash quvurlariga ulashga mo‘ljallangan silindrik bo‘yincha va konussimon rezbadan tashkil topgan.