Мундарижа кириш

V. Синов саволлари.
1. Электростанция ва подстанцияларнинг электр ускуналари ҳамда кабел электр тармоқларида иш бажаришда иш раҳбарини тайинлаш.
2. Подстанциялар, қўшилмаларда битта наряд билан бир нечта иш жойларида иш бажариш.
3. Тақсимловчи электр ускуналари ҳудудида жойлашган ҳаво ва кабел электр узатиш тармоқлари, диспетчерлик ва технологик бошқарувчи воситалари участкаларида ишлаш.
4. Электростанция ва подстанцияларнинг электр ускуналари ҳамда кабел электр тармоқларида фармойиш бўйича иш бажариш.
7-маъруза. Ҳаво электр узатиш тармоқларида иш бажаришда ташкилий чоралар. Иш раҳбари тайинлаш.

Режа	I.	ҲЭУТларида иш бажаришда иш раҳбари тайинлаш.
	II.	ҲЭУТларида фармойиш бўйича иш бажариш.
	III.	Наряд бўйича кўпзанжирли ҲЭУТда, ҲЭУТларининг кесишган жойларида, ҲЭУТларининг турли участкаларида бажариладиган ишлар.
	IV.	Синов саволлари.

I. ҲЭУТларида иш бажаришда иш раҳбари тайинлаш.
1000 В кучланишдан юқори бўлган ҳаво электр узатиш тармоқларида қуйидаги ишларни бажаришда иш раҳбари тайинланади:
- ҳаво электр тармоқларининг қўриқ майдонларида юк кўтариш машиналари ва механизмларидан фойдаланиб ишлаганда;
- ҳамма турдаги устунларни олиб ташлашда ва ўрнатишда;
- ҳаво электр узатиш тармоқларининг транспорт магистраллари ва бошқа ҳаво электр узатиш тармоқлари билан кесишган жойларидаги ишларда;
- янги қурилган ҳаво электр тармоқларини электр тизмасига улашда;
- симлар ва троссларни улаш схемаларини ўзгартиришда;
- кўпзанжирли ҳаво электр узатиш тармоқларида, агар унинг бир занжири иккинчисига устма-уст жойлашган бўлса, ёки занжирлар сони иккитадан кўп бўлган ва уларнинг бири ёки барча қолганлари кучланиш остида қолса, унинг ўчирилган занжирида ишлашда;
- ҳаво электр узатиш тармоғини алоҳида фазаларида ишлашда;
- кучланиш таъсири остида бўлган электр узатиш тармоқларида ишлашда;
- одамни ердан изоляция қилиб электр тармоқларининг ток ўтказувчи қисмида кучланиш остида ишлашда;
Юқорида қайд қилинган ишлардан ташқари бошқа ишларга ҳам наряд берувчига иш раҳбари тайинлаш рухсат берилади.