Мундарижа кириш

Биринчидан, ёшларга ва бўлажак мутахассис кадрларга чуқур миллий ва умуминсоний тарихий, ғоявий-сиёсий, илмий-назарий дунёқарашни сингдириш.
Иккинчидан, ёшларда миллий тафаккур, ғурур ва ўзликни, миллий виждон ва умуминсоний баркомолликни тарбиялаш.
Учинчидан, ёшларда оташин ватанпарварлик ва ҳарбий жасоратни, миллат ва Ватанга садоқатликни тарбиялаш.
Тўртинчидан, ёшларга миллий ва тарихий қадриятларни эъзозлаш, асраб-авайлаш руҳини сингдириш, уларда юксак аҳлоқий фазилатлар (ҳалоллик, поклик, одиллик, ростгўйлик, меҳнатсеварлик, камтаринлик, имон ваэътиқодлик)ни тарбиялаш.
Бешинчидан, ёшларни Ватан ва халқ, миллат, ота-она, фарзанд, табиат ва жамият олдидаги муқаддас бурчларни чуқур ҳис этиш ва уларга садоқатлик руҳида тарбиялаш.
Ўзбекистоннинг энг янги тарихи фани мана шу юқоридагилар ва булардан бошқа ўзининг хилма-хил имкониятларидан келиб чиқиб, комил инсонни тарбиялашга беҳад катта ҳисса қўшади. Ватан тарихининг давлат бошқаруви ва қурилишида, жамият ва инсоният тараққиётида, миллат ва халқ ҳаётида тутган ўрни ҳамда аҳамияти бениҳоя катта эканлиги қадим-қадимдан эътироф этиб келинмоқда. Бунга тарихимизнинг ўзи гувоҳ. Шуни алоҳида таъкидлаш керакки, тарихнинг бу ажойиб хислати ва тарбиявий аҳамияти, куч-қудратини барчамиз теран ҳис этишимиз ва англаб етмоғимиз лозимдир.
Маҳмудхўжа Беҳбудий "Туркистон тарихи керак" номли мақоласида ёзади: "Тарихнинг фойдаларидан баъзиси ушбудирки, бир миллатнинг на тариқада, қайси йўл ила тараққий этганин ўқиб, ибрат олмоқ ёки бир миллатнинг на сабаблардан таназзул этиб, охири мунқариз бўлиб (тугаб-битиб) кетганин ўқуб мундан ҳам истифода этмак мумкиндир"
Нуширавон Ёвушев эса "Туркистон тарихи керак” номли мақоласида тарихга қуйидагича баҳо беради: "Ўз миллий тарихини билмаган миллат, ўз отасини билмаган бир болага ўхшайдур... Тарих миллатнинг жони-руҳи, моддий ва маънавий ҳаётидур".
Хулоса шуки, Ўзбекистоннинг энг янги тарихи фанини ўқитишнинг аҳамияти беҳад катта.
2- Мавзу. Мустақилликка эришиш арафасида Ўзбекистондаги ижтимоий-сиёсий жараёнлар. 4 соат


РЕЖА:

1. 
   ХХ аср 80-йиллари ўрталарида республика ижтимоий-сиёсий, иқтисодий ва маънавий ҳаётидаги инқирозли ҳолат. Марказнинг Ўзбекистонда амалга оширган қатағон сиёсати. “Пахта иши” “Ўзбек иши”
   

2. 
   Аҳоли турмуш тарзининг оғирлашуви. Орол фожиаси. Фарғона воқеалари. 1989 йил ўрталарида республика ижтимоий-сиёсий ҳаётидаги ўзгаришлар. Миллий манфаатлар устуворлигининг ўсиб бориши.
   

3.