Mundarija Kirish Raqamlashtirish tushunchasi va paydo bo'lish asosi Xalqaro biznesni raqamlashtirishning zamonaviy vositalari Raqamlashtirishning jamiyat va

Mundarija
Kirish………………………………………………………………………….3

1. 
   Raqamlashtirish tushunchasi va paydo bo'lish asosi…………………………5
   
2. 
   Xalqaro biznesni raqamlashtirishning zamonaviy vositalari………………..10
   
3. 
   Raqamlashtirishning jamiyat va sohalarga ta'sirini baholash……………….14
   
4. 
   Qishloq xo'jaligidagi asosiy tendentsiyalar va raqamli texnologiyalar……..22
   

Xulosa………………………………………………………………………..28
Foydalanilgan adabiyotlar ro’yxati…………………………………………..30

Kirish
Maʼlumki, bugungi kunda biznes faoliyati bilan shugʼullanayotganlar innovatsion taraqqiyotning global oʼzgarishlariga, jumladan, ijtimoiy, texnologik va iqtisodiy tarkibiy oʼzgarishlariga toʼqnash kelmoqdalar. Bu oʼz navbatida ular faoliyatida yangi va koʼplab oʼrganilmagan xalqaro biznesning oʼziga xos qirralarni va jahon taraqqiyotidagi biznes sohasidagi olib borayotgan tadqiqotlarni chuqur oʼrganishni taqozo etmoqda. Global oʼzgarishlarga javoban iqtisodchi olimlar, yirik mutaxassislar va amaliyotchi tadbirkorlar bunday tarkibiy oʼzgarishlarga taʼsir etuvchi korxonani yanada zamon talablariga mos ravishda mahsulot ishlab chiqarish va xizmatlarning innovatsion usullarini topishga harakat qilmoqdalar. Erkin raqobat asosida milliy iqtisodiyotni rivojlantirishda kichik biznes va xususiy tadbirkorlikning roli toʼxtovsiz ortib bormoqda.
2017-2021 yillarda Oʼzbekiston Respublikasini rivojlantirishning beshta ustuvor yoʼnalishi boʼyicha Harakatlar strategiyasini amalga oshirish sharoitida kichik biznes va xususiy tadbirkorlik milliy iqtisodiyotni yaratish, jamiyatning ijtimoiy barqarorligini asosi hisoblanuvchi oʼrta mulkdorlar sinfini shakllantirish, raqobat muhitini vujudga keltirish va barqaror iqtisodiy oʼsishga erishishda muhim omil boʼlib hisoblanadi. Respublikamizda iqtisodiy oʼsishni taʼminlash, yangi ish oʼrinlarini tashkil etish, bandlik muammosini hal etish, aholining daromadlari va farovonligini oshirishda tobora muhim oʼrin tutayotgan kichik biznes va xususiy tadbirkorlikni jadal rivojlantirish, ularni ragʼbatlantirish va qoʼllab-quvvatlashga alohida eʼtibor qaratilmoqda.
Lekin bugungi kunda Oʼzbekistonda bu sohada hali ishga solinmagan juda katta salohiyat va imkoniyatlar mavjud ekanini, dunyodagi taraqqiy topgan davlatlarda kichik biznes va xususiy tadbirkorlik yalpi ichki mahsulot hajmida etakchi va hal qiluvchi oʼrinni egallayotganini inobatga oladigan boʼlsak, bu yoʼnalishda hali qiladigan ishlarimiz naqadar koʼpligi ayon boʼlib bormoqda.
Axborot texnologiyalarining jadal rivojlanishi va globallashuv o'zgarishlari sharoitida biznes muhiti jadal o'zgarishlarni boshdan kechirmoqda. Raqamlashtirish innovatsion rivojlanishning katalizatoridir. Texnologik o'zgarishlar yangi imkoniyatlarga olib keldi, lekin tez texnologik o'zgarishlar, yuqori murakkablik, mijozlar ehtiyojlari va qonunchilikning o'zgarishi kabi yangi to'siqlar paydo bo'ldi. Raqamlashtirish tarmoqlarda tarkibiy o'zgarishlarni keltirib chiqaradi va ularning ta'siri har xil bo'lib, bu jarayonning xalqaro biznes muhiti rivojlanishining global tendentsiyalariga ta'siri haqida savollar tug'diradi. Ko'plab olimlar raqamlashtirish va raqamli texnologiyalarning biznes jarayonlariga ta'sirini o'rganib chiqdilar. Bu masalaning turli jihatlari taniqli olimlar va iqtisodchilar tomonidan o‘rganilgan bo‘lib, ular orasida Devid Eder, Kristof Bak, D.Shalmo, CA Uilyams va boshqalar katta hissa qo‘shgan. .
Ushbu tadqiqotning vazifalari xalqaro biznesda raqamlashtirish va raqamli transformatsiyaning nazariy asoslarini o'rganish, raqamlashtirishning biznes rivojlanishining global tendentsiyalariga amaliy ta'sirini o'rganish, zamonaviy raqamli vositalarni va texnologik innovatsiyalarga intilayotgan kompaniyalar uchun muammolarni ko'rib chiqishdir.

1.