Mundarija: Kirish I. Adabiyotlar tahlili

Bitiruv malakaviy ishning maqsadi: Riforming jarayoni texnologiyasini chuqur tahlil qilish va samarali katalizatorlarni yangi avlodini ishlab chiqish bo’yicha tegishli takliflarni berish.
Bitiruv malakaviy ish doirasida quyidagi vazifalarni bajarish ko’zda tutiladi:
1.Benzin fraktsiyasi tarkibidagi uglevodorodlarning barcha sinflarini tanlab aromatizatsiya qilishni ta'minlovchi katalizatorning optimal tarkibini tanlash.
2.Tayanchning g’ovak strukturasi xususiyatlarining katalizator xossalariga ta’sirini o’rganish.
3.G'ovakli strukturaning ko'rsatilgan parametrlari va mustahkamlik xususiyatlariga ega alyuminiy oksidi tashuvchini olish texnologiyasini ishlab chiqish.
4.Faol komponentning tarqalishining katalitik xossalarga ta'sirini o'rganish.
5.Mavjud tarmoqlarga nisbatan katalizatorlar tayyorlashning sanoat texnologiyasini ishlab chiqish.
Tadqiqot obyekti: Katalitik riforming jarayoni.
Tadqiqot predmeti: Katalitik riforming jarayoni reaktorlarida qo’llaniladigan reforming katalizatorlari.
Bitiruv malakaviy ishning ilmiy yangiligi va amaliy ahamiyati: Katalitik riforming jarayonining texnologik samaradorligi katalizatorni regeneratsiya qilish rejimi bilan belgilanadi.
Katalizatorlarni yangi avlodini yaratishda faol komponent ikkita qismdan iboratligini tushunish kerak: yuqori dispersli metall platina (Pt) va ionli platina (Pt). Yuzaki Pt° va reniyli (Re) komplekslarining mavjudligi parafinli uglevodorodlar aromatizatsiyasining yuqori faolligi va selektivligini ta'minlaydi. Natijada, maqsadli aromatizatsiya reaktsiyalari tezligi va kerosin gidrokrekingining qo’shimcha reaktsiyalari o'rtasidagi yanada qulay nisbat tufayli aromatik uglevodorodlarning yuqori unum bilan hosil bo’lishini ko’rishimiz mumkin.
Bitiruv malakaviy ishining umumiy hajmi 57 betdan iborat bo’lib, quyidagi tarkibiy qismlardan tashkil topgan: Kirish; adabiyotlar tahlili: aromatik uglevodorodlar turlari va ularning xossalari, katalitik riforming jarayonining kimyoviy asoslari, jarayonning katalizatorlari, sanoatda katalitik riforming, katalitik riforming jarayoni va uning asosiy texnologik parametrlari, aromatik uglevodorodlarni ekstraksiya usuli bilan ajratish texnologik jarayoni, texnologik jarayonni xavfsiz olib borishning asosiy qoidalari, jarayonning o‘ziga xos xususiyatlaridan kelib chiqadigan xavfsizlik choralari, katalitik riforming qurilmasi reaktorlari va ularni hisoblash usullari; ekperimental qism: jarayonning makrokinetikasi, yangi turdagi katalitik riforming katalizatori sinovi; olingan natijalar muhokamasi; atrof muhit muhofazasi; xulosa va foydalanilgan adabiyotlar ro’yxati.