Mundarija Kirish I – bob. Musulmon uyg`onishi davrida Turkistonda ijtimoiy-madaniy hayot

---

1 
Mundarija 
Kirish 
I – BOB. Musulmon uyg`onishi davrida Turkistonda ijtimoiy-madaniy hayot 
1.1
IX-XII asrlarda O‘rta Osiyo xalqlari hayotida yuz bergan uyg‘onish davrining 
kelib chiqishiga sabab bo‘lgan omillar…………………………………………. 
1.2
O‘rta Osiyoda kechgan ijtimoiy-siyosiy jarayonlarning madaniy yuksalishga 
ko‘rsatgan ta’siri………………………………………………………………… 
II – BOB. IX - XII asrlarda Markaziy Osiyo mintaqalarida siyosiy ahvol 
2.1 IX - XII asrlarda Movarounnahr va unga tutash о‘lkalardagi etnomadaniy 
jarayonlar…………………………………………………………………………… 
2.2 O‘rta Osiyoda islom madaniyatini yuksalishiga katta hissa qo‘shgan buyuk 
hadisshunos va fiqxshunos allomalar va islom madaniyatining gullab-
yashnash………………………………………………………………………… 
Xulosa 
Foydalanilgan adabiyotlar 

---

2 
Kirish 
Istiqlolimiz sharofati bilan «biz tariximiz, madaniyatimizni o‘zimiz va butun 
dunyo uchun ham qayta tiklayotgan» hozirgi o‘tish bosqichida O‘zbekiston tarixi 
fani va uning milliy istiqlol mafkurasi, milliy g‘oya ruhida tadqiq etish va o‘qitish 
davlat siyosati darajasiga ko‘tarildi. Ta’lim tizimining barcha bosqichlarida 
O‘zbekiston tarixi o‘qitilmoqda. Bu fanni o‘qitish va uni butun xalqlar ommasi 
ongiga va qalbiga singdirish borasida birinchi Prezidentimiz I. A. Karimov 
respublikaga birinchi rahbar bo‘lib kelganidan boshlaboq tarix bilan qurollanish, 
ajdodlar merosini o‘rganish va u bilan fahrlanish to‘g‘risida quyidagilarni 
ta’kidlaganlar: “Ajdodlarimiz insoniyat taraqqiyotiga bemisl hissa qo‘shgan 
sivilizatsiyalarni yuzaga keltirganlar, olamshumul kashfiyotlar qilganlar. 
Xorazmiylar, Farg‘oniylar, Beruniylar, Ibn Sinolar ilm-fan rivojini belgilab bergan. 
Bu haqiqatni hech kim inkor eta olmaydi”.
Xorazm Ma’mun akademiyasi ko‘p narsadan dalolat beradi. Uni butun dunyo 
tan olgan, u erda ne-ne buyuk olim va mutafakkirlar ilm-fan bilan mashg‘ul bo‘lgan. 
Biz mustaqillik yillarida shu akademiyani yangi asosda qayta tiklaganimiz, 
YUNESKO bilan hamkorlikda uning 1000 yilligini xalqaro miqyosda keng 
nishonlaganimiz Vatanimizning yangi tarixidagi unutilmas voqealardan biri bo‘ldi. 
Bularning hammasini inobatga oladigan bo‘lsak, qani, aytinglar, bizning buyuk 
millat, ulug‘ xalq ekanimizni isbotlash uchun yana qanday dalil kerak? Bu bilan 
g‘ururlanishga, faxrlanishga barchamiz haqlimiz, albatta. Ayni paytda 
ajdodlarimizga munosib bo‘lish, bu hayotda hech qachon bir joyda to‘xtab 
qolmasdan, oldimizga katta maqsadlarni qo‘yib, g‘urur bilan yashashimiz lozim. 
Prezidentimiz SH. Mirziyoev o‘z nutqida “xalqimiz tarixida o‘chmas iz 
qoldirgan Abu Rayxon Beruniy, Muxammad Muso Xorzmiy, Maxmud 
Zamaxshariy, Najmiddin Kubro, Pahlavon Mahmud va boshqa ko‘plab allomalar, 
shoir va mutafakkirlarning nomlari jaxon sivilizatsiyasi tarixiga xaqli ravishda oltin 
xarflar bilan bitilgan” deb bildirgan fikrlari allomalarimizning jaxon svilizatsiyasiga 
qo‘shgan xissasi qanday teran ekanligidan dalolat beradi. O‘zbekiston tarixi fanini 
ta’lim tizimining barcha bo‘g‘inlarida va bosqichlarida o‘qitish borasida davlat va 
hukumatning ko‘plab qaror va farmonlari qabul qilindi. O‘zbekiston Respublikasi 
Prezidenti 2012 yil 27 yanvardagi qarori bilan O‘zbekiston Respublikasi Oliy va 
o‘rta maxsus ta’lim vazirligi qoshida O‘zbekistonning eng yangi tarixi bo‘yicha 
jamoatchilik ilmiy Kengashi va Markazi tashkil etildi. Kengash va Markaz 
O‘zbekistonning eng yangi tarixini yaratish, O‘zbekiston tarixidan darslik, 
qo‘llanmalar, xrestomatiyalar yaratish bo‘yicha tashkiliy va ilmiy ishlarni boshlab 
yubordi, joylarda ilmiy seminarlar o‘tkazdi.