Mundarija kirish “Grand Bukhara” mehmonxonasi haqida umumiy ma’lumot I bo’lim. Reception

1.5. Kirish (chiqish) kartochkasini to’ldirish, joylashtirish vositalari uchun qayd qilish shakli.
Kelishi rejalashtirilgan sayyoh mehmonxonaga kelganidan so’ng avvalo u xushmuomalalik bilan kutib olinadi, xonasiga kuzatishdan oldin pasporti olinib, uning tugash vaqti hamda viza muddatiga qaraladi, undan so’ng tezda mehmonlar kitobiga ro’yxatga olinib, Xorijga borish va kelishni ro’yxatga olish bo’limi (ОВИР) uchun ma’lumot sifatida adres qog’ozi to’ldiriladi, passport ichiga mehmonning mehmonxonada turishini tasdiqlovchi registratsiya qog’ozi to’ldirilib, unga mehmonxona muhri bosiladi va pasport qaytarib beriladi. Kirish (chiqish) kartochkasida mehmonxona nomi, mehmonning registratsiya kitobida kiritilgan raqami, passport seriyasi, mehmonxonaga kelish va u yerdan ketish vaqti, shuningdek administrator imzosi qo’yilib, mehmonxona muhri bosiladi. Ushbu kartochka sayyohning vaqtinchalik qayerda ro’yxatda turganligini ko’rsatadi.
Mehmonlarni ro’yxatga olish, ularning kelishi va ketishini boshqarish, turli- tuman xizmatlar ko’rsatish asosan mehmonxonaning kunduzgi administratorining vazifasiga kiradi. Har bir turist mehmonxonaga tashrif buyurgandan so’ng mehmonxona administratori uni ro’yxatdan o’tkazishi, ya’ni registratsiya qilishi kerak bo’ladi. Bizning mehmonxonada ro’yxatga olish tartibi quyidagicha:
Xorijiy turistlar uchun registratsiya daftari mavjud bo’lib, avvalo shu daftarga kelgan turistlarni ro’yxatdan o’tkazadi.
Unda quyidagi ma’lumotlar kiritiladi:
 registratsiya nomeri;
 turistning mehmonxonaga kelgan kuni;
 ismi-sharifi;
 passport seriyasi (fuqaroligi), qaysi mamlakatdan tashrif buyurgani;
 viza nomeri va muddati, tipi, qachon berilganligi;
 turadigan xonasi nomeri;
 qaysi maqsadda tashrif buyurganligi;
 viza muddati, mehmonxonada qolish muddati(kirish va chiqish sanasi).
Bu ma’lumotlarning barchasi daftarga kiritilib bo’lingandan so’ng
kompyuterga ham kiritiladi. Kompyuterga ozgina boshqacha tarzda
kiritiladi, jumladan:
 registratsiya nomeri;
 turistning ismi-sharifi;
 qaysi mamlakatdan tashrif buyurgani;
 passport seriyasi (fuqaroligi)
 viza tipi, muddati;
 vizaning qachon berilganligi;
 qaysi maqsadda tashrif buyurganiligi;
 mehmonxonada qolish muddati(kirish va chiqish sanasi).