Мундарижа банк иши

 
5. Хулоса ва таклифлар. 
Замонавий бухгалтерия назариясида тез ўзгариб бораётган шароитларга мувофиқ 
молиявий натижаларни реал қийматини аниқлаш ва бошқарув қарорларини қабул 
қилиш учун ахборотларга айлантиришнинг мукаммал механизмини яратиш муҳим 
аҳамият касб этади. Чунки, соф молиявий натижа сифатида бухгалтерия фойдаси 
фойда солиғини ҳисоблаш учун асос, хўжалик фаолиятининг натижавийлик кўрсаткичи, 
дивиденд ҳисоблаш асоси ва шунингдек, меҳнатга тўловлар даражасини белгиловчи 
омил ҳисобланади.  
Олиб борилган тадқиқотлар натижасида қуйидаги хулосаларни шакллантиришга 
мувафақ бўлдик: 
Молиявий натижага иккита асосий позицияда қараш мумкин: биринчиси, 
молиявий натижанинг иқтисодий талқини яъни капиталнинг ўзгариши ёки пул 
2
Муаллиф томонидан шакллантирилган.

---

89 www.journal.bfa.uz 
маблағларининг ўзгариши сифатида; иккинчиси анъанавий талқин, даромад ва 
харажатлар ўртасидаги тафовут, соф активларнинг ўсиши сифатида қараш мумкин.
Капитал, пул маблағлари ҳаракатининг ўзгариши, соф активларнининг ўсиши эса 
ҳар қандай тадбиркорлик субъектлари бозор қийматини максималлаштиришнинг асосий 
кўрсаткичи ёки детерминанти ҳисобланади. 
Ҳар қайси ахборотдан фойдаланувчилар ўз олдига қўйган мақсадларга эришишга 
ҳаракат қилган ҳолда, молиявий натижа сифатида аниқ кўрсаткичлардан бирини 
танлаши мумкин. Молиявий тавсифдаги аҳборотлар ўзида мужассамлаштирувчи 
молиявий ҳисоб фойдаланувчиларни молиявий натижаларга оид нафақат шаффоф ва 
объектив ахборотлар билан таъминлаши, балки, унга таъсир этувчи омиллар тўғрисида 
ҳам ахборотлар билан таминлаши лозим. 
Тадқиқотлар натижасида умумлаштирган ва шакллантирилган хулосага таянган 
ҳолда, молиявий натижага қуйидагича таърифни бериш мумкин: молиявий натижалар - 
маълум даврга фаолият натижасида олинган даромад ва харажатларни солиштириш 
ҳамда 
хусусий 
капитал 
ўзгариш 
миқдорини 
ифодаловчи 
қийматнинг 
пул 
эквивалентидаги абсолют натижасидир.
Юқоридаги таъриф табий равишда ҳисоб, молиявий диагностика ва молиявий 
бошқариш тизимидаги меъёрий ҳужжатлар ўзгартириш киритиш лозимлигини тақозо 
қилади. Бу ўз навбатида: 
- хўжалик юритувчи субъектларда молиявий натижалар ва хусусан, соф молиявий 
натижани реал истиқболли баҳолаш имкониятлари учун шарт шароит яратади; 
- хўжалик юритувчи субъектлар молиявий ҳолатини аниқ ва реал бозор 
имкониятларига асосланган ҳолда баҳолаш тизимини шакллантиришда услубий асос 
бўлиб хизмат қилади; 
- ҳисоб, молиявий диагностика ва молиявий бошқарувнинг миллий ва ҳалқаро 
тажрибалар асосидаги ўзаро уйғунлашган тараққиётини таъминлайди.