Мундарижа банк иши

БАЛИҚЧИЛИКДА ТУГАЛЛАНМАГАН ИШЛАБ ЧИҚАРИШ ВА БИОЛОГИК АКТИВЛАР 
ҲИСОБИ ҲАМДА ИЧКИ НАЗОРАТИНИ ТАКОМИЛЛАШТИРИШ 
Вафоев А.У. 
Тошкент давлат аграр университети 
Аннотация: Мақола балиқчилик хўжаликларида тугалланмаган ишлаб чиқариш 
ва биологик активлар ҳисоби ҳамда ички назорати масалаларига бағишланган. 
Жумладан, балиқчилик тармоғи ташкилий-технологик хусусиятларини ҳисобга олган 
ҳолда тугалланмаган ишлаб чиқариш ва биологик активлар ҳисобини ташкил этиш 
ёритилган. Шунингдек, тўла тизимли балиқчилик хўжаликларида ички назорат 
тизимининг муҳим элементи сифатида биологик активлар инвентаризациясини ташкил 
этиш бўйича таклифлар ва тавсиялар берилган. 
 
Калит сўзлар: балиқчилик тармоғи, биологик активлар, тугалланмаган ишлаб 
чиқариш, инвентаризация, балиқчилик хўжаликлари, ишлаб чиқариш технологияси, 
бухгалтерия ҳисоби, аналитик ҳисоб. 
1. Кириш. 
Сўнгги йилларда балиқчилик тармоғини жадал ривожлантириш, балиқ 
маҳсулотлари ишлаб чиқаришнинг замонавий ва инновацион услубларини жорий этган 
ҳолда ҳажмларини ошириш, соҳани тартибга солиш бўйича бир қатор қонун 
ҳужжатлари қабул қилиниб, бир қанча ижобий ишлар амалга оширилмоқда. 
Жумладан Ўзбекистон Республикаси Президенти Ш.Мирзиёевнинг 2017 йил 1 
майда «Балиқчилик тармоғини бошқариш тизимини такомиллаштириш чора-тадбирлари 
тўғрисида»ги ПҚ 2939-сонли Қарори, 2018 йил 6 апрелдаги «Балиқчилик тармоғини 
жадал ривожлантиришга доир қўшимча чора-тадбирлари тўғрисида»ги ПҚ 3657-сонли 
Қарори, 
2018 
йил 
6 ноябрдаги «Балиқчилик соҳасини янада ривожлантиришга доир қўшимча чора-
тадбирлари тўғрисида»ги ПҚ 3657-сонли Қарорлари қабул қилинди. 
Мазкур 
Қарорларда 
«Балиқчилик 
тармоғини 
бошқариш 
тизимини 
такомиллаштириш, 
балиқчилик 
ва 
балиқ 
овлаш 
ташкилотлари 
фаолияти 
самарадорлигини ошириш, балиқ маҳсулотларини қайта ишлаш бўйича ишлаб чиқариш 
қувватларини кенгайтириш, табиий ва сунъий сув ҳавзаларидан оқилона фойдаланиш, 
шунингдек, балиқ етиштиришнинг илмий асосланган усуллари ва интенсив 
технологияларини жорий этиш» мақсадида тармоқни ривожлантириш бўйича муҳим 
вазифалар белгиланган.