Mühazirə Giriş. Fənnin məqsədi və mahiyyəti (2s)

Üsulun çatışmayan cəhətləri. Üsulun tətbiqində əsas çatışmayan cəhətlər lay suyunun və vurulan suyun yüksək minerallaşması, süxurların tərkibində gilin çoxluğu bəzən üsulun tətbiqinə mane olur. Neftlərin qeyri aktivlikləri, vurulan suda duzların çox olması və süxurların gilliliyi qələvi reagentin sərfinin çoxalmasına səbəb olur. Bəzi hallarda hips mövcud olursa, o qələvi məhlul ilə həll olub quyu dibinə çökür və prosesə mənfi təsir göstərir.
Üsulun gələcəyi: Mədən məlumatlarına əsasən hələ prosesin səmərəliyi tam öyrənilməyib. Kaustik sodanın tətbiqinin effektliyi neftlərin, onunla qarşılıqlı təsir nəticəsində neftlə qələvi məhlulun kontaktında fazalar arasındakı gərilmə qüvvəsinin azaldılması və yüksək dispersiyalı və davamlı “neft suda” tipli emulsiyanın əmələ gətirilməsi qabilliyəti ilə şərtləndirilir. Bu emulsiya laydan süzülərək layların su ilə islanmasını artırır.
Qələvilərin adi su məhlullarının tətbiqi nəticəsində yüksək özlülüklü neftləri olan yataqlarda layın təsirlə əhatəsini artırmaq mümkün olmur. Buna görə, qələvi məhlulunun tətbiqi polimerlərin sulu məhlulu ilə və ya termik üsullar ilə birlikdə tətbiqi daha səmərəli olar. İstiləşdirilmiş qələvi məhlullar nefti daha yaxşı sıxışdırır. Bu isə məsaməli mühitin islanmasının yaxşılaşması nəticəsində baş verir. Üsul su vurulan yataqların hamısında tətbiq oluna bilər, bu şərtlə ki reagentlər baha olmadan iqtisadi cəhətdən məqsədə uyğun olsun.
Üsulun tətbiqindən qum və karbonat tipli kollektorlu yataqlarda neftin özlülüyü 10-100 mPa·s qədər, neftlədoyma 50%-ə qədər, kollektor süxurların ke­çi­ri­ci­li­yi­­ 0,1 mkm²-dan çox, neftin sıxlığı 850-920 kq/m³, lay temperaturu 100⁰C-ə qədər və s. olduqda daha yüksək səmərə alınır. Yataqlara qələvilərlə təsir prosesini mürəkkəbləşdirən amillərdən çatlılıq, gil­li­lik və suların yüksək minerallaşması hesab olu­nur. Müəyyən olunmuşdur ki, laylara qələvi məhlulların vurulması nəticəsində onların son neftvermə əmsalını 5-10% artırmaq mümkündür.