Muhandislik -geologik tadqiqotlar

Loysimon slanetslar - loyning yuqori bosim ostida qayta kristallanishidan 
hosil bo’lgan qattiq loysimon kulrang jins. Suv ta’sirida  namlanmaydi. Tarkibida, 
asosan, kvarts, slyudalar va tuproq bor. Loysimon slanets yupqa (qalinligi 2,5 mm. 
dan  katta)  plastinkalar  tarzida  tilinadi.    Bunday  plastinkalar  tom  va  qoplama 
ashyolar  sifatida  ishlatiladi.  Undan  tashqari,  pol  qurishda  va  elektr  tokidan 
muhofazalovchi taxtachalar  tayyorlashda ham qo’llaniladi.  
Marmar  –  kristalli  kal’tsit  donalaridan  tashkil  topgan  zich  jins.  Unda 
slyuda, dala shpati, kvarts, temir  oksidi va  ko’mir  birikmalari ham    bo’ladi. Toza 
marmar  oq  rangda,  agar  unda  marganets  va  temir  birikmalarining  aralashmalari 
bo’lsa, qizil, binafsha, kulrang, hatto qora bo’lishi  mumkin.  
Marmarning  qattiqligi  3–4,  siqilishdagi  mustahkamlik  chegarasi  80–300 
MPa, zichligi 2600–2800 kg/m
3
. Marmarni arralash, silliqlash va  pardozlash qiyin 
emas.  Ammo  u  kislotalar,  atmosferadagi  gazlar  va  karbonat  suvlari  ta’sirida 
buziladi.  Shu  sababli  marmar  binoning  ichki  qismini    qoplashda,  shuningdek, 
haykaltaroshlikda, zinapoya va pol plitalarini tayyorlashda mozaik betonlar uchun 
to’ldirgich sifatida ko’p ishlatiladi.  
Kvartsit – yer qatlamining yuqori bosimi ostida mayda kvarts donalarining 
kremniy  sementlari  vositasida  zichlanishidan  hosil  bo’lgan  zich,  kristall  jins. 
Kvartsit  o’zining  zichligi,  yuqori  mustahkamligi,  mo’rtligi  va  qattiqligi  bilan 
boshqa  jinslardan  farq  qiladi. U  tabiatda oq, qizil,    ko’kimtir, to’q  qizil  ranglarda 

---

213 
 
uchraydi.  Siqilishdagi  mustahkamlik  chegarasi  400  MPa  dan  kam  emas.  Zichligi 
2500–2700  kg/m
3
,  qattiqligi  7  ga  teng.    Kvartsit  o’tga  chidamli  buyumlar 
tayyorlashda, shuningdek, beton uchun chaqiq tosh sifatida ishlatiladi.  
Asbest - serpantin guruhiga kiruvchi mineral bo’lib, uni maydalasa yupqa, 
ingichka  elastik  tolalarga  bo’linadi.  Asbest  alangalanmaydi.  U  ishqor    ta’siriga 
chidamli, tolasi yuqori mustahkamlikka ega bo’lgan ashyo. Asbest  sement va suv 
bilan  qorishtirilganda  turli  qurilish  qismlari  va    buyumlarini  qoliplashga  yarokli 
bo’ladigan  plastik  qorishma  hosil  bo’ladi  va  undan  asbesttsement  buyumlari 
ishlanadi.  Asbest  ikki  xil:  xrizotil  –  och    ko’kimtir  rangda,  tolasi  juda  ingichka 
(0,0001  mm),  mustahkamligi  yuqori  bo’ladi;  amfibol  –  rogovaya  obmanka  (shox 
aldamchisi)  guruhiga kiruvchi mineraldir.  
Qurilish  sanoatida  asosan  xrizotil  asbest  ishlatiladi.  Uning  erish  harorati 
1500
0
C, ammo u kislotalar ta’siriga chidamsiz. Asbest o’tga  chidamli gazlamalar, 
asbesttsement  buyumlari,  asbestli  karton  tayyorlashda  va  issiqlik  izolyatsiya 
ashyolarini ishlab chiqarishda keng qo’llanadi.