Муҳаммад ал-Хоразмий номидаги Тошкент ахборот технологиялари университети

Илмийлик принципи

Миллий ғоя диний, мифологик ғоялар таркибига кирмайди. Миллий ғоянинг мазмунини илмий билимлар тизими ташкил этади. Миллий ғоя – у ёки бу халқнинг орзу-умидлари, мақсадларини ифодаловчи илмий билимлар тизими. Миллий мафкура эса муайян бир мақсадларни ҳаётга татбиқ этиш йўллари ҳақидаги фикрлар мажмуасидир. Шу сабабли, Ўзбекистонда миллий ғояни ўрганувчи ва ўргатувчи «Миллий ғоя: асосий тушунча ва тамойиллар» фани вужудга келди. Миллий ғоя илмий асосланган назариялар, ҳаёт синовларидан ўтган тажрибалар ҳамда статистик материаллар асосида ўзининг илмий хулосаларини ишлаб чиқади.

Релятивлик (нисбийлик) принципи

• Миллий ғоя мутлақ ҳақиқатга даъвогарлик қилмайди. Миллий ғоя халқ манфаатлари ўзгариши билан ўзгариб боради. Мустамлакачилик даврида «миллий истиқлол ғояси» объектив зарурат эди, чунки Ўзбекистон халқи олдида мустақилликни қўлга киритиш ва унинг асосларини яратишдек долзарб вазифа турарди.
• Шу сабаблили, республика таълим тизимига «Миллий истиқлол ғояси: асосий тушунча ва тамойиллар» фани киритилди, Миллий ғоя ва мафкура илмий-амалий маркази ташкил этилди. 2010 йил 12 ноябрда ЎзР Биринчи Президенти Олий Мажлис қонунчилик палатаси ва Сенатининг қўшма мажлисида «Мамлакатимизда демократик ислоҳотларни янада чуқурлаштириш ва фуқаролик жамиятини ривожлантириш концепцияси»ни эълон қилди. Унда мамлакатимизни дунёнинг энг ривожланган давлатлари қаторига олиб кирувчи йўллари ифодалаб берилди.

• Бугун Ўзбекистон халқи олдида миллий ривожланиш ғоясини ҳаётга татбиқ этишдек долзарб вазифа турибди. Миллий ривожланиш ғояси ҳар бир фуқародан интеллектуал салоҳиятни ишга солиб, маънавий жасорат кўрсатишни талаб этади. Чунки бугун инсониятнинг келажаги «интеллектуал индустрия»ни, яъни билимлар салоҳиятини ривожлантиришга боғлиқ.
• «Миллий истиқлол ғояси», «миллий ғоя», «миллий ривожланиш ғояси» – булар миллий ғоя ривожининг турли босқичларини ифодаловчи тушунчалардир, уларни синонимлар сифатида ишлатиш мумкин. Демак, миллий ғоя – халқнинг ривожланиши ғоясидир