Муаллифларнинг картография фанининг истиқболига тегишли фикр-мулоҳаза, истак ва тавсиялари ўз ифодасини топган. Рисола уч қисмдан иборат

карталарни ўрганиш билан бошланади ва янги карталарни 
яратиш билан якун топади”, деган эди. “Карталар – ҳудудлар 
ойнаси”, “Карталар – ҳақиқат ойнаси”, “Карта – ойнаи жаҳон” 

---

31 
каби хулосалар борки, бу географик карталарнинг илмий-
маърифий аҳамиятини ифодалайди.
Картография - картографик асарларни яратиш, ўрганиш ва 
фойдаланиш масалалари билан шуғулланадиган фан (билим), 
техника ва ишлаб чиқариш соҳаси. Ўзбек тилининг изоҳли 
луғатида ҳам картография, ҳам харитография деб тилга олинган (2-
жилд, 325 бет; 4-жилд, 385 бет). Ўзбекистон миллий 
энциклопедиясида эса фақат карташунослик деб изоҳ берилган (9-
жилд, 398 бет). Ушбу фаннинг назарияси ва амалиёти билан 
картографлар шуғулланади.
Карта варақлари наменклатураси - кўп варақли картанинг 
алоҳида варақларини маълум система бўйича белгилаш. 
Карта корректураси - картани тайёрлашнинг барча 
босқичларда мазмуни ва техник жиҳатдан бажарилишини 
текшириш. 
Карта яратиш бўйича таҳририй кўрсатмалар - картани 
тузиш ва нашрга тайёрлашнинг принципиал таҳририй масалалари 
бўйича кўрсатмаларни ўз ичига оладиган ҳужжат. 
Картографик шартли белгилар - картада хар хил 
объектларни ҳамда уларнинг сифат ва миқдор кўрсаткичларини 
ифодалаш учун қўлланиладиган шартли белгилар. 
Картадаги тушунтириш ёзувлари - картада тасвирланган 
объектларнинг турини ёки хилини, шунингдек уларни миқдор ва 
сифат тафсилотларини тушунтирадиган ёзувлар. 
Картанинг географик асоси - соҳавий, мавзули ва махсус 
карталар мазмунининг умумгеографик қисми бўлиб, уларнинг 
махсус мазмунини ташкил этадиган элементларини картага тўғри 
тушириш, фазовий боғлаш ва картадан фойдаланиш вақтида 
ориентирлашга хизмат қилади.