Moliyaviy va boshqaruv tahlili pv doc

Ko‘rsatkichlar	Hisobot yili
Farqi
Reja	Haqiqatda	Soat	%
1.	Kalendar vaqt fondi	1305240	1305240	-	-
2.	Rejim vaqt fondi	470040	461382	-8658	-1,8
3.	Yillik vaqt fondi	421321	419699	-1622	-0,4
4.	Foydalanish koeffitsiyenti:
4.1.	Kalendar vaqt fondi (3q:1q)	0,3228	0,3215	-0,0013	X
4.2.	Rejim vaqt fondi (3q:2q)	0,8963	0,9096	+0,0133	x

Mashina va uskunalarning ish vaqti fondi mashina – soat, stanok – soatlarda ifodalanadi. Tahlil natijalari shuni ko‘rsatadiki, mashina, uskunalarning kalendar vaqt fondi koeffitsiyenti rejaga nisbatan pasaygan.
120-jadval Xo‘jalik yurituvchi subyektning 1-sexida mashina va uskunalardan vaqti va quvvati bo‘yicha foydalanish tahlili

T №	Ko‘rsatkichlar	Reja	Haqiqatda	Farqi
				mutlaq summa	%
1.	Mahsulot hajmi, mln so‘m	10823	10853	+30	+0,3
2.	Ishlagan mashina – soat	421321	419699	-1622	-0,4
3.	1 mashina - soatga to‘g‘ri keladigan mahsulot, so‘m	25688	25859	+171	+0,6

Pasayish asosan mavjud uskuna va dastgohlar sonining kamayishi tufayli yuz bergan. Rejim vaqt koeffitsiyenti smenalar soni hamda yil davomida ishlagan ish kunlarining o‘zgarishiga bog‘liq. Yillik vaqt fondining o‘zgarishi esa uskuna va dastgohlarni ichki va tashqi sabablarga ko‘ra ish vaqtining yo‘qotilishiga bog‘liq. Mashina va uskunalardan foydalanishni ifodalovchi ko‘rsatkichlar bo‘lib uning intensiv, ekstensiv va integral koeffitsiyentlari hisoblanadi.
Mahsulot hajmining rejaga nisbatan 30 mln so‘mga ortig‘i bilan bajarilishi asosan mashina va uskunalar unumdorligining o‘sishi hisobiga yuz bergan. Yo‘qotilgan vaqt 1622 mashina – soatni tashkil etgan. Mashina va uskunalardan vaqti va quvvati bo‘yicha foydalanish koeffitsiyentlari:
Ekstensiv foydalanish koeffitsiyenti:
419699:421321=0,9962.
Intensiv foydalanish koeffitsiyenti:
25859:25688=1,0066.
Integral foydalanish koeffitsiyenti:
0,9962^.1,0066=1,0027.
12.8. Fond qaytimini oshirish imkoniyatlari
Fond qaytimini oshirish imkoniyatlarini umumlashtirish tahlil etish bosqichining yakuni hisoblanadi. Unda tahlil etish natijlaridan kelib chiqqan holda korxonada asosiy vositalar samaradorligini oshirishning yo‘nalishlari belgilanadi.
Asosiy vositalarning samaradorlik ko‘rsatkichlarini oshirishning quyidagi yo‘nalishlarini korxona uchun tavsiya sifatida keltirib o‘tish mumkin.
Tashkiliy yo‘nalishlar bo‘yicha:

• 
  asosiy vositalarning faqat korxonaga ish beradigan qisminigina olish;
  
• 
  asosiy vositalarning ortiqcha qismini ushlab turmaslik;
  
• 
  eskirgan asosiy vositalarni va ma‘naviy talabga javob bermaydigan asosiy vositalarni hisobdan chiqarish;
  
• 
  asosiy vositalarni farqlash va tarkiblashni qayta o‘zgartirish;
  
• 
  asosiy vositalarga amortizatsiya hisoblashning eng maqbul shakllarini belgilash va hokazo.