Moliyaviy va boshqaruv tahlili pv doc

Fond qaytimi (sig‘imi) va uning o‘zgarishiga ta’sir etuvchi omillar:

• 
  Mahsulot ishlab chiqarish hajmi va uning o‘zgarishi.
  
• 
  Asosiy fondlar o‘rtacha yillik qiymatining o‘zgarishi.
  

Mahsulot hajmiga ta’sir etuvchi mehnat vositalari bilan bog‘liq bo‘lgan omillar qatoriga quyidagilar kiritiladi:

• 
  Asosiy fondlarning o‘rtacha yillik qiymati o‘zgarishi.
  
• 
  Fond qaytimi (sig‘imi)ning o‘zgarishi.
  

117-jadval Asosiy vositalarning samaradorlik ko‘rsatkichlari va ularning o‘zgarishiga ta’sir etuvchi omillar tahlili

Ko‘rsatkichlar	Mahsulot hajmi, korxona ulgurji bahosida, ming so‘m.	Sanoat ishlab chiqarish fondlari o‘rtacha yillik qiymati	Fond qaytimi	Fond sig‘imi
O‘tgan yil	2113430	166100	12,724	0,079
Shartli, hisobot yili	2357682	173596	13,581	0,074
Hisobot yili	2553967	180222	14,171	0,071
O‘tgan yildan farq	+440537	+14122	+1,447	-0,008
Fond qaytimining o‘zgarishiga ta’sir etuvchi omillar
X	+0,857	+0,590	+1,447	X
Fond sig‘imining o‘zgarishiga ta’sir etuvchi omillar tahlili
X	-0,005	-0,003	X	-0,008
Mehnat vositalari bilan bog‘liq omillarning mahsulot hajmiga ta’siri
X	+440469,5	+179688,3	+260781,2	x

Biz tahlil qilayotgan xo‘jalik subyektida asosiy vositalarning samaradorligi o‘tgan yilga nisbatan bir qadar yaxshilangan. Fond qaytimi va uning o‘tgan yilga nisbatan o‘sishi +1,447 (14,171–12,724) so‘mga teng bo‘lgan. Bu o‘zgarishda ishlab chiqarilgan mahsulot hajmining o‘zgarishi ta’siri +0,857 (13,581–12,724) so‘mni, asosiy vositalarning o‘rtacha yillik qiymatining o‘zgarishi esa salbiy ta’sir etgan va uning natijasida fond qaytimi +0,590 (14,171–13,581) so‘mga kamaygan. Barcha omillar ta’sirida asosiy fondlar qaytimi o‘tgan yilga nisbatan +1,447 so‘mga ortgan (14,171- 12,724).
Asosiy fondlar sig‘imi o‘tgan yilga nisbatan – 0,008 so‘mga kamaygan. Bu o‘zgarishga mahsulot hajmining ta’siri – 0,005 (0,074– 0,079) so‘mni, asosiy vositalar o‘rtacha yillik qiymati o‘zgarishining ta’siri esa – 0,003 (0,071–0,074) so‘mni tashkil qilgan.
Mehnat vositalari bilan bog‘liq bo‘lgan omillarning mahsulot ishlab chiqarish hajmiga ta’siri tahlilida asosiy vositalar o‘rtacha yillik qiymatining o‘zgarishi ta’sirida yalpi mahsulot hajmi +179688,3 (+14122·12,724) ming so‘mga, fond qaytimining o‘zgarishi hisobiga +260781,2 (1,447·180222) ming so‘mga o‘sishini ko‘rish mumkin.