Moliyaviy va boshqaruv tahlili pv doc

Ko‘rsatkichlar	Bazis davri	Korrektirovka qilingan ko‘rsatkich	Hisobot davri
Farqi (+,-)
Mutlaq, ming so‘mda	Nisbiy, %
1. Ishchilarning yillik ish haqi fondi, ming so‘mda	95672	111123	184569	+88897	+73446
2. Ishchilarni ro‘yxat bo‘yicha o‘rtacha soni, kishi	617	717	599	-18	-118
3. 1 ishchiga to‘g‘ri keladigan o‘rtacha yillik ish haqi, so‘m	155060	154983	308128	+153068	+153145
4. Ish haqi fondini bazis davriga nisbatan o‘zgarish sabablari:	x	x	x	+88897	x
a) mahsulot hajmini o‘zgarishi hisobiga 95672 * 16,15 \ 100	x	x	x	+15451
b) Ishchilar (nisbiy) sonini o‘zgarishi hisobiga -118 * 154983	x	x	x	-18288	x
d) Bir ishchining o‘rtacha yillik ish haqini o‘zgarishi hisobiga +153068 * 599	x	x	x	+91688	x

Izoh: Mahsulot ishlab chiqarish rejasining bajarilishi – 116, 15 %
75-jadval ma’lumotlari shuni ko‘rsatadiki, biz tahlil qilayotgan xo‘jalik subyektida o‘rganilayotgan davrda ishchilarning ish haqi fondidan rejaga nisbatan 88897 ming so‘m ortiqcha sarfga yo‘l qo‘yilgan. Mahsulot ishlab chiqarish hajmini o‘sishini hisobga olgan holda esa 73446 ming so‘m ortiqcha sarfga yo‘l qo‘yilgan. Ish haqi fondini mutlaq farqi mahsulot ishlab chiqarish hajmini o‘sishi hamda 1 ishchiga to‘g‘ri keladigan o‘rtacha yillik ish haqini rejaga nisbatan ortishi bilan izohlanadi. Ishchilar sonini nisbatan 118 kishiga qisqarishi ish haqi fondidan 18288 ming so‘m miqdorida iqtisod qilinishiga olib keldi. Tahlil davomida har bir ishchiga to‘g‘ri keladigan o‘rtacha yillik ish haqi rejaga nisbatan 153068 so‘mga o‘sish sabablari aniqlanadi. O‘rtacha yillik ish haqini ortishi ishchini mahsulot ishlab chiqarish bo‘yicha belgilangan normani ortig‘i bilan bajarishi, hamda ish haqi tarkibidagi unumsiz xarajatlar mavjudligi tufayli yuz beradi. Bundan tashqari bir ishchining o‘rtacha yillik ish haqining o‘zgarishi hisobiga ishchilarning ish haqi fondiga 91688 ming so‘mlik ta’sir etgan. Korxonada joriy yilda ishchilarning moliyaviy ahvoliga bir qadar e’tibor kuchayganligini hamda ularning moddiy holati yaxshilanganligini ko‘rishimiz mumkin.