Moliyaviy va boshqaruv hisobi

8310 - «Oddiy aktsiyalar»ning hisobi bo’yicha hisob xo’jalik shakllanishini ta’minlashi zarur.
8320-«Imtiyozli aktsiyalar» schyoti imtiyozli aktsiya ko’rinishida chiqariladi, ovoz berish huquqiga ega bo’lmagan, lekin aktsiya egasiga dividend kafolatini beradigan, ya’ni olingan foydani taqsimlash jarayonida oddiy aktsiya egalariga nisbatan imtiyozi belgilangan (dividend olish kafolati) aktsiyadorlar kapitalining holati va harakati to’g’risidagi axborotlarni umumlashtirish uchun qo’llaniladi.
Aktsiyalarning hisobi 8320-«Imtiyozli aktsiyalar» schyotida ushbu aktsiyalarning nominal qiymati bo’yicha amalga oshiriladi.
Ushbu aktsiyalarning nominal qiymatidan yuqori bahoda sotishdan olingan har bir summa 8410 – «Emissiya daromadi» schyotida qayd etiladi.
Imtiyozli aktsiyalar bo’yicha analitik hisob xo’jalik yurituvchi sub’ektlar bo’yicha va kapitalning shakllanish bosqichi bo’yicha axborotlarning shakllanishini ta’minlashi shart.
Ustavda qayd qilingan va ta’sis hujjatlarida ko’rsatilgan ta’sischilarning ulushi va omonatlaridan tashkil topgan sub’ektning ustav kapitalini ro’yxatdan o’tkazilgandan keyin ta’sischilarning ulushi va omonatlarining summasi 8330 –
«Ulush va omonatlar» schyotining krediti va 4610 –«Ustav kapitali (fondi) ga badallar bo’yicha ta’sischilarning qarzlari» schyotining kreditida va pul
mablag’larini, moddiy va nomoddiy qiymatliklarni hisobga oluvchi schyotlarning debet tomonida ko’rsatiladi.

3. Kapital harakatini hisobga olish tartibi

8310 – «Oddiy aktsiyalar hisobvarag’i» ustavga muvofiq aktsiyadorlik jamiyati tomonidan chiqarilgan (chiqarishga ruxsat berilgan) oddiy aktsiyalarning summa nominal qiymatida ifodalangan aktsiyadorlik kapitali holati va harakati to’g’risidagi ma’lumotlarni jamlash uchun mo’ljallangan. Mazkur hisobvaraq krediti bo’yicha oddiy aktsiyalar qismida ro’yxatga olingan aktsiyadorlik kapitali hajmi aks ettiriladi. Debet bo’yicha – bu turdagi sarmoyaning kamayishi ko’rsatiladi.