Молиявий таҳлил

Молиявий таҳлилни ташкил этиш босқичлари

Молиявий таҳлилни ташкил этишни боскичларини иқтисодий таҳлил ва унинг таркибий қисмларига нисбатан ягона асосда бирдай белгилаш тўғри, лекин айнан молиявий таҳлили юзасидан уни қуйидаги кетма кетликда ўтказиш мақсадга мувофиқ деб ўйлаймиз.

-Молиявий таҳлил мақсадини белгилаш ва режасини тўзиш;

-Молиявий таҳлил юзасидан маълумотлар базасини тўплаш;

-Молиявий таҳлилни бевосита ўтказиш босқичи;

-Таҳлил натижаларини умумлаштириш ва расмийлаштириш босқичи;

-Қарорлар тайёрлаш босқичи;

-Таҳлил натижаларини реализация қилиш босқичи.

Иқтисодий таҳлилни ёки молиявий таҳлили ташкил этишдаги ёндашувлар турлича бўлганлиги билан уларнинг мазмуни албатта битта жиҳатга яъни таҳлилни сифатли ва фойдали ўтказишга қаратилган.

Молиявий таҳлил - молиявий ҳисобот маълумотлари асосида фирма ва компанияларнинг молиявий ҳолатига иқтисодий ташхис қўйишни тавсифлайди. Молиявий таҳлилда фирма ва компаниялар мулки, капитали ва мажбуриятларининг ҳолатига, фаолият натижавийлигига, асосий ва айланма капитал ҳолатига ва самарадорлигига, пул маблағлари ва хусусий маблағларнинг ҳолатига баҳо берилади.

Ички ва ташқи молиявий таҳлил

Фарқлаш белгиси	Ички молиявий таҳлили	Ташқи молиявий таҳлил
1	2	3
1.Объекти бўйича	Фирма ва компаниянинг молиявий натижаси, молиявий ҳолати, пул маблағларини кенг қамровли таҳлили	Фирма ва компаниянинг молиявий натижаси, молиявий ҳолати, инвестицион жозибадорлик, иқтисодий ночорлик, рейтинг баҳолаш, кредитга қодирлик
2.Субъекти бўйича	Фирма ва компаниянинг ўз ходимлари	Фирма ва компаниялар фаолияти билан қизиқувчиларнинг кенг доираси
3.Тартибга солиниши	Умумий, фирма ва компаниялар ички низоми, қоидалари асосида	Умумий Низом, қоидалар асосида тартибга солинади
4.Мақсади	Фирма ва компаниянинг молиявий натижаси, молиявий аҳволи, пул маблағларини оптималлаштириш, бизнес самарорлигини ўстириш юзасидан ички имкониятларни аниқлаш ва йўлга қўйишдан	Фирма ва компаниянинг молиявий натижаси, молиявий ҳолати, инвестицион жозибадорлиги, иқтисодий ночорлиги, рейтинг баҳосини аниқлаш ташқи субъектларнинг қизиқишларини, манфатларини бошқариш
5.Маълумот истеъмолчилари	Фақат, шу фирма, компания бошқаруви ходимлари, менежерлар	Ташқи таҳлил субъектлари
6.Усуллари бўйича	Таҳлилни ананавий, математик, махсус усуллари	Молиявий таҳлилни махсус усуллари
7.Маълумотларни олиш кўлами	Маълумотларни олиш имкониятлари кенг	Маълумотларни олиш имкониятлари чекланган (фақат расмий молиявий ҳисоботлар орқалигина таҳлил ўтказилади)
8.Таҳлил натижаларини манфаатлиги	Кўпроқ ўзи учун манфаатли	Фирма ва компанияларнинг ўзи ҳамда ташқи қизиқувчилар гуруҳи учун манфаатли
10. Вазифаларни ҳал этилиши	Вазифаларни ҳал этилиши фақат шу корхона бошқарув ходимлари учун хизмат қилади.	Вазифаларни ҳал этилиши ҳам ички, ҳам ташқи таҳлил субъектлари учун хизмат қилади
11.Таҳлилни ташкил этилиши	Кўпроқ фирма ва компаниялар учун мақбул шаклда ташкил этилади	Ташқи таҳлил субъектлари учун мақбул шаклда ташкил этилади