Молиявий таҳлил

Молиявий ҳисобот –ҳар битта корхонанинг ҳисоб сиёсатидан келиб чиққан ҳолда бухгалтерия ҳисобини юритиш ва молиявий ҳисобот тузиш учун қабул қиладиган усуллар ва уларнинг қоидалари ва асосларига мувофиқ равишда тузилади.

Молиявий ҳисобот хўжалик юритувчи субъект алоҳида мустақил хўжалик юритувчи субъектлиги ёки хўжалик юритувчи субъектларнинг жамланган гуруҳига киришидан қатъи назар шу хўжалик юритувчи субъектнинг маълум бир даврдаги фаолиятини кўрсатувчи молиявий ахборотни тақдим этиш усулидир.

Молиявий ҳисоботлар шунингдек, хўжалик юритувчи субъектнинг раҳбарияти томонидан ресурсларни бошқариш натижаларини кўрсатади.

Таҳлил фанининг “Аудит” фани билан боғлиқлиги.

Аудит- мустақил экспертлар, аудиторлар томонидан корхона молия-хўжалик фаолиятини текширишни англатади.Бунда нафақат текшириш балки корхонанинг иқтисодий, молиявий фаолиятини оптималлаштириш бўйича ҳам тавсиялар ишлаб чиқилади.

Аудит – ишончлик бўйича мустақил текширув ҳисобланади.

Аудит –аудиторларнинг ёки аудиторлик фирмаларининг бухгалтерия ҳисоби ёки молиявий ҳисоботларни, бухгалтерия хужжатлари, солиқлар ва бошқа мажбуриятларни аудиторлик теширувини амалга оширишдан иборат тадбиркорлик фаолияти ҳисобланади.

Аудит - бу корхонанинг молиявий ҳисоботларини экспертизадан ўтказиш, бухгалтерия ҳисобини юритиш тартибини, хўжалик ва молиявий операцияларни қонунчилик нормаларига мувофиқлигини, ҳисоботларнинг тўлиқлиги ва тўғрилигини текширишга қаратилган мустақил фаолият туридир.

Аудит - бу фирма ва компаниялар учун ишламайдиган, мустақил сертификатланган аудиторлар томонидан амалга ошириладиган ташқи молиявий назоратдир.Аудит –бу суд-бухгалтерия экспертизасини амалга оширувчи кенг фаоляит туридир. Аудит –бу бевосита ва билвосита манфаатдор бўлган тамонларнинг номидан иш кўрувчи мустақил экспертлар фаолиятидир.

Таҳлилда аудит ва аудиторлик фаолияти нафақат ахборотлар ишончлиги, тўлиқлиги, қаққонийлиги таминлаб берувчи сифатида балки корхона бошқаруви ва бизнес самарадорлигини таминлашда, зарурий ахборотлар таминотчиси сифатида ҳғам қатнашади. Шу билан бирга аудиторлик фаолиятида энг мақбул ечимга таҳлилий амаллардан уддабуронлик билан фойдаланиш орқлигина эга бўлинади.