Молиявий таҳлил

Таҳлил фанининг “Молиявий ҳисобот” фани билан боғлиқлиги

Молиявий ҳисоботлар молиявий таҳлил фанининг ахборот асоси ҳисобланади.

Молиявий ҳисоботлар -фойдаланувчилар кенг доирасининг ахборотга бўлган талабини қондириш учун тузилади ва вақти-вақти билан тақдим этилади. Молиявий ҳисобот кўпчилик фойдаланувчилар учун асосий молиявий ахборот ҳисобланади. Айрим фойдаланувчилар, тегишли ваколатлар бўлганда, молиявий ҳисоботда бор бўлган ахборотга қўшимча ахборотни талаб қилишлари мумкин.молиявий ҳисоботнинг таркибий қисми ҳисобланади-молиявий ҳисоботлар ҳисобланади. Молиявий ҳисоботлар Бухгалтерия ҳисобининг миллий стандартлари (БҲМС) асосида тузилади. Зарур ҳолларда компаниялар Молиявий ҳисоботларни халқаро стандартлари (МҲХС) асосида тузишлари мумкин.

Молиявий ҳисобот ана шу ҳисоботларга асосланган ёки улар билан боғлиқ бўлган изоҳлар, мўлжаллар ва тушунтиришларни ҳам ўз ичига олади. Бундай ахборот саноат ва жуғрофий ҳудудларнинг фаолият турлари тўғрисидаги молиявий ахборотни акс эттириши ва нархлар ўзгаришининг молиявий натижаларга таъсирини тушунтириб бериши керак.

Молиявий ҳисобот - инвестиция қарорлари, кредитлар беришга доир қарорларни қабул қилиш, субъектнинг бўлғуси пул оқимига баҳо бериш, унга ишониб топширилган ресурсларга муносабатига, мажбуриятларига баҳо бериш, раҳбар органларнинг ишига баҳо беришда муҳим манба ҳисобланади. Бу баҳо беришларни таҳлилсиз амалга оширшни тасаввур қилиш қийин.

Фойдаланувчилар пул маблағларини кўпайтириш қобилиятини яхшироқ баҳолайдилар, агар у хўжалик юритувчи субъектнинг молиявий аҳволи фаолиятини ва молиявий аҳволидаги ўзгаришларни акс эттирадиган ахборот билан таъминланган бўлса.

Хўжалик юритувчи субъектнинг келгусида пул маблағларини кўпайтириш, уларнинг кўпайиш вақтини аниқ ҳисоб-китоб қилиш ва натижага эришиш қобилиятини баҳолаш орқали бошқарув қарорларини сифатлиги албатта ахборотларнинг тўлиқлиги, ишончлиги, ҳаққонийлигига боғлиқдир. Ў навбатида ахборотларнинг тўлиқлиги, ишончлиги, хаққонийлиги таҳлил сифатини ҳам белгилаб берувчи бош омилдир.