"Молиявий менежмент" фанининг предмети, объекти

2.2-расм. Молиявий менежментнинг функциялари


Молиявий менежмент умумий функциялари асосийлари қуйидагилар ҳисобланади (2.3-расм):

1. 
   Корхона молиявий стратегиясини ишлаб чиқиш. Бу функцияни амалга ошириш жараёнида корхона иқтисодий ривожининг умумий стратегияси ва молия бозори конъюктураси прогнозидан келиб чиқиб, узоқ муддатга мўлжалланган мақсадлари ва мақсад кўрсаткичлари тизими шакллантирилади; яқин келажакда ҳал қилинадиган катта масалалар белгиланади ва молиявий ривожланишининг асосий йўналишлари бўйича корхона фаолияти сиёсати ишлаб чиқилади.
   
2. 
   Корхона молиявий фаолияти барча жихатлари бўйича бошқарув қарорларини қабул қилиш ва амалга оширишни таъминловчи ташкилий тузилма тузиш. Бу функцияни амалга ошириш жараёнида молиявий менежмент бу ташкилий тузилмани корхона иши ва молиявий фаолияти ўзгарувчан шароитига доимий мослашишини таъминлаши керак.
   
3. 
   Бошқарув қарорлари муқобил вариантарга асосланишини таъминловчи самарали ахборот тизимни шакллантириш. Бу функцияни амалга ошириш жараёнида молиявий менежментнинг ахборот эхтиёжларини миқдори ва мазмуни аниқланган; бу эҳтиёжларни қондирувчи ички ва ташқи маълумотлар манбалари шаклланган; корхона ва молиявий бозор конъюктураси молиявий ҳолатининг доимий мониторингги ташкил қилинган бўлиши керак.
   
4. 
   Корхона молиявий фаолиятининг турли жихатлари таҳлилини амалга оширилиши. Бу функцияни амалга ошириш жараёнида алоҳида молиявий операциялари; корхона алоҳида шўъбалари, филиаллари ва “масъул марказлар” молиявий фаолияти натижалари; корхона молиявий фаолияти бутун ва алоҳида ажратилган йўналишлари умум натижалари устидан экспресс ва чуқур таҳлил ўтказилади.
   
5. 
   Корхона йўналишига асосланиб молиявий фаолият режасини амалга ошириш. Бу функцияни амалга ошириш молиявий фаолият асосий йўналиши бўйича, турли тузилмали бўлинмалари бўйича ва корхона мақсади бўйича жорий режалар ва оператив фондлар тизимини ишлаб чиқиш билан боғлиқ. Асосан бундай режалаштиришда корхона молиявий стратегияси ишлаб чиқилади, ривожланишнинг ҳар бир босқичини конкретлаштириш талаб қилинади.