"Молиявий менежмент" фанининг предмети, объекти

Z моделнинг мезонлари
Банкротликка тушиш эҳтимоли
1,81 гача	Жуда юқори
1,81-2,67	Ўртача
2,67	50 фоизга тенг
2,67-2,99	Юқори эмас
2,99 дан юқори	Деярли мавжуд эмас

Таҳлиллар ва ўрганишлар шуни кўрсатмоқдаки, корхоналар дебитор қарздорлигини бошқаришда хорижий амалиётда турлича усуллар ва механизмлар мавжуд бўлиб, корхоналар банкротлик ҳолатига тушиб қолмасликлари учун барча чора-тадбирларни амалга оширади.
Амалга оширилган ўрганишлар натижасида корхоналар дебитор қарздорлигини самарали бошқариш бўйича қуйидаги хулосалар шакллантирилди:
– жаҳон молиявий-иқтисодий инқирози ва турли даражадаги иқтисодий тебранишлар шароитида корхоналарнинг дебитор қарзлари табиий меъёрлардан ортиб бориши кузатилади, табиий меъёрлардан ошган дебитор қарзларни вақтида бартараф этилмаслиги корхоналарнинг молиявий барқарорлигига салбий таъсир кўрсатади;
– халқаро амалиётда корхоналар дебиторлик қарзларини бартараф этиш ва бошқаришда ноанъанавий усулларидан кенг фойдаланади. Хусусан, факторинг, контакоррент ва форфейтинг операциялари шулар жумласидан бўлиб, корхоналар дебитор қарздорлиги ҳажмини пасайтириш ва бошқаришда жуда самарали ҳисобланади;
– маҳаллий амалиётда корхоналар дебитор қарзлари суммасини камайтириш ва уларни самарали бошқаришда хорижий амалиётда ўзининг ижобий натижасини берган операцияларни жорий этиш билан бирга, коллекторлик хизматини жорий этиш мақсадга мувофиқ. Бунинг учун коллекторлик фаолиятини тартибга солувчи ташкилий-ҳуқуқий базани тўлиқ шакллантириш ва уни мамлакатнинг алоҳида олинган ҳудудларида эксперимент сифатида жорий этиш лозим.
Хулоса қилиб айтганда, хорижий корхоналарнинг дебитор қарздорлигини бошқаришнинг ўзига хос йўллари мавжуд бўлиб, улардан самарали ва ўз вақтида фойдаланилиши корхоналарнинг молиявий барқарорлигини таъминлашга ва банкротлик ҳолатига тушиб қолиш эҳтимолини кескин пасайтиришга хизмат қилади.