Молиявий ҳисоб

олиш билан боғлиқ бўлган ҳақиқий харажатлар қўшилмайди. 
«Дизайн-фурнича» ОАЖ 2016 йил 25 июлда россиялик хорижий 
ҳамкори билан қайин навидаги 5 000 м
3
ёғочни 1 куб метри 2 800 рублдан 
сотиб олиш бўйича шартнома тузди. Етказиб бериш шартномасига кўра, 
харидор умумий ёғоч қийматининг 50 фоиз миқдоридаги суммани етказиб 
берувчи банкининг аккредитив счётига олдиндан ўтказиб бериши керак. 
«Дизайн-фурнича» ОАЖ 2016 йил 1 августда етказиб берувчи банкида 
аккредитив счёт очди ва унга шартномада кўрсатилган суммани ўтказди. 
Аккредитив счёт очилган санада Ўзбекистон Республикаси Марказий 
банки томонидан белгиланган рублнинг сўмга нисбатан қиймати 
(кейинчалик 1 рублнинг сўмга нисбатан курси) 35 сўмни ташкил қилди. 
Аккредитив счёт очиш билан боғлиқ харажатлар ўтказилаётган валюта 
суммасининг 0,3 фоизига тенг бўлди. Бунда банкнинг аккредитив ўтказма 
учун комиссияси ўтказманинг 0,1 фоизини ташкил қилди. Битим 
лойиҳасини тайёрлаш жараёнида юридик фирмага 8 000 руб. тўланди, 
битимни рўйхатдан ўтказиш ва ёпиш билан боғлиқ харажатлар эса битим 
суммасининг 0,1 фоизига тенг бўлди.
Бундан ташқари, миллий валютани рублга конвертациялашда 
конвертацияланган хорижий валюта суммасининг 0,15 фоизи миқдорида 
комиссион мукофот тўланди. 2006 йил 6 августда ёғочнинг жами партияси 
юкланди. Ёғочни юклаб бериш санасидаги 1 рублнинг сўмга нисбатан 
курси 36 сўмни ташкил қилди. Битим шартларига кўра, ёғоч ФОБ - 
жўнатиш пункти шартларига мувофиқ етказиб берилди. Шу муносабат 
билан, фрахт харажатлари (транспорт, экспедициялаш, юклаш-тушириш 
ишлари, етказиб беришни суғурталаш, транспорт тараси учун тўлов ва 

---

бошқалар) 3 500 000 рублни ташкил қилди ва бу бўйича ҳисоб-тўлов 
ҳужжати юк-божхона декларацияси расмийлаштириш кунида тақдим 
қилинади. 
2016 
йил 
14 
августда 
юк-божхона 
декларацияси 
расмийлаштирилди ва тасдиқланди, унга кўра давлат бож тўлови инвойсда 
кўрсатилган қийматнинг 5 фоизини, божхонада расмийлаштириш учун 
тўлов эса божхона декларациясида кўрсатилган товар қийматининг 0,1 
фоизи ташкил қилди. Импорт қилинаётган товарлар бўйича қўшилган 
қиймат солиғи (ҚҚС) ставкаси бож қийматининг 20 фоизига тенг. Юк-
божхона декларациясида кўрсатилган санада 1 рублнинг сўмга нисбатан 
курси 36,5 сўмни ташкил қилди. Етказиб берилган ёғоч партияси 2006 йил 
18 августда омбор мудири томонидан қабул қилинди ва омборга кирим 
қилинди. 
«Дизайн-фурнича» ОАЖнинг бухгалтерия ҳисобида ёғочни сотиб 
олиш билан боғлиқ операциялар қуйидагича акс эттирилади: