Moliya”fanidan O’quv-uslubiy majmua

5-nazorat uchun savol

Nima uchun firmaning “yutib yuborilishi” xavfi uning egalari manfaatlari va menejerlar o‘rtasidagi ziddiyat hal etilishiga turtki bo‘ladi?

5. Korporatsiyada moliyachining tutgan o‘rni

Korporatsiyada qabul qilinadigan qarorlarning deyarli barchasi, u yoki bu darajada, moliyaviy qaror hisoblanadi. Chunki ular bo‘lajak daromad va xarajatlarning muqobil variantlarini baholash va tanlash bilan bog‘liq. Shunday qilib, yirik korporatsiyalarda direktorlik daraja (vazifa)sidan tortib, to alohida ishlab chiqarish bo‘limlari, marketing²⁷ bo‘limlari, tadqiqot laboratoriyalari va boshqa korporatsiya bo‘limlarining boshliq-larigacha boshqaruv uchun mas’ul deyarli barcha xodimlar moliya bo‘yicha mutaxassislar xizmatidan foydalanadilar.

Korporatsiyalarning moliyaviy rahbarlarini birlashtiruvchi ko‘ngilli tashkilot bo‘lgan “Moliyaviy rahbarlar instituti” (Financial Executive Institute) bu kasbga juda keng ta’rif beradi. Unga muvofiq quyida keltirilgan funksiya (vazifa)lardan (3.3-rasm) hech bo‘lmasa bittasini bajarish vakolatini o‘z zimmasiga olgan kishi moliyaviy rahbar hisoblanadi:

Korporatsiyada moliyaviy rahbarning funktsiyalari

Rejalashtirish

Pul jamg’armalarini
boshqarish

Kapital bilan ta’minlash

Buxgalteriya

Korporatsiya aktivlarini		Soliqlarni
himoya qilish		boshqarish
Investorlar bilan o’zaro
		Baholash va
munosabatlar
		konsalting

Boshqaruvning axborot tizimlari

3.3-rasm. Korporatsiyada moliyaviy rahbarning funksiyalari