“Moliya-kredit tizimi statistikasi”

Davlat byudjeti statistikasining predmeti va vazifalari hamda ko’rsatkichlari tizimi.

Davlat byudjeti statistikasining asosiy vazifasi davlatning fiskal (moliya, soliq) siyosatining mazmuni va yo’nalishin belgilovchi byudjetning asosi ko’rsatkichlariga miqdoriy tavsif berishdir. Bu vazifani quyidagicha aniqlashtirish mumkin:

• O’zbekiston Respublikasining jahon iqtisodiyoti bilan integratsiyalashuvi sharoitida davlat byudjeti tavsiflarida ko’rsatkichlar tizimini tuzish, ularni hisoblash va baholashda halqaro standartlarni joriy qilishni tugallash;
• Davlat byudjetining asosiy vazifalari; yalpi milliy daromadni taqsimlash va qayta taqsimlash, iqtisodiyotni tartiblashtirish va rag’batlantirish, ijtimoiy siyosatni moliyaviy resurslar bilan ta’minlash, mamlakatning markazlashtirilgan pul jamg’armalarini vujudga keltirishva ulardan foydalanish ustidan nazorat qilish jarayonlariga tasnif berish.
• Davlat byudjetining daromadlari, sarflari va defitsiti(prodefitsiti)ning umumiy summalarini hisoblash.
• Davlat byudjeti daromadlari va sarflarining tarkibi, tarkibiy tuzilishini o’rganish;
• Davlat byudjeti defitsitini moliyalashtirish manbalarini o’rganish;
• Davlatning ichki va tashqi qarzining ko’lamini baholash;
• Davlatning fiskal siyosatining iqtisodiy rivojlanishga va aholining turmush darajasiga ta’sirini o’rganish va boshqalar;

2.Bank statistikasining predmeti, vazifalari va ko’rsatkichlari tizimi

Kreditning barcha turlari va ko’rsatkichlari statistikaning o’rganish predmeti hisoblanadi. Statistikaning vazifalari kreditning hajmini, tarkibini, dinamikasini, muddatini va boshqalarni xarakterlovchi ko’rsatkichlar tizimini yaratish, kredit olish va qoplash sharoitlarini o’rganish, kredit bo’yicha daromad va kredit operatsiyalari samaradorligini aniqlash va boshqa vazifalar turadi. Bulardan tashqari, fikrimizcha, har bir kredit operatsiyasining (hajmidan qa’tiy nazar) o’ziga xos xusussiyatlarini o’rganish, kredit stavkalarini kreditni olish va qoplash sharoitlarini hisobga olgan holda har bir kredit operatsiyasi uchun tabaqalashtirib belgilash; kredit stakalarini, narx, soliq, inflyatsiya va boshqa ko’rsatkichlar bilan bog’liq holda belgilash va tahlil qilish statistikaning muhim vazifasidir.