“Moliya-kredit tizimi statistikasi”

Bank statistikasining predmeti, vazifalari va ko’rsatkichlari tizimi

Ma’lumki kredit aylanmasi uning hajmi va muddatiga bog’liq. Kredit aylanmini tahlil qilishda kredit summalarining muddati o’zgarishidan tashqarii inflyatsiyani ham hisobga olish zarur, bu ishni deflyator indeksni hisoblash va qo’llash orqali bajarish mumkin. Ma’lumki, deflyator indeks mazmunan baho indeksining almashtiruvchi, inflyatsiya indeksi esa baho indeksining teskarisidir. Demak kredit aylanmasining real indeksini hisoblash uchun kredit aylanmasi indeksining deflyator indeksga bo’linadi, agar inflyatsiya indeksi ma’lum bo’lsa kredit aylanmasi indeksi inflyatsiya indeksiga ko’paytiriladi.

Bankning yalpi daromadi kredit hajmi va o’rtacha yillik stavkalar bilan bevosita bog’liq,o’rtacha stavka esa, o’z navbatida indivudal stavkalar va kreditning tarkibiga bog’liq.

Bank faoliyatining oliy maqsadi–kredit resurslaridan foydalanishni yuqori darajadagi samaradorligini ta’minlashdir. Mamlakat miqyosida kredit samaradorligi yalpi ichki mahsulot hajmining kredit resurslarining o’rtacha darajasiga nisbati bilan aniqlanadi. Bank darajasida oladigan bo’lsak bu ko’rsatkich kredit operatsiyalaridan olingan sof daromadning bankning shaxsiy resurslariga nisbati bilan aniqlanadi. Bankning sof daromadi yalpi daromaddan kredit bilan bog’liq xarajatlari ajratish bilan hisoblanadi.

3.Pul muomalasi balansi va pul qadrsizlanishini statistik o’rganish.

Pul massasining darajasi, dinamikasi va tarkibini xarakterlovchi ko’rsatkichlar tizimi sifatida tasvirlangan, xo’jalik yurituvchi subyektlar o’rtasida naqd pul va naqd pulsiz shakllarda amalga oshiriladigan pul munosabatlari pul muomalasi statistikasining predmeti hisoblanadi.

Pul muomalasi statistikasi pul munosabatlarini o’rganish, o’zgartirish quroli hamda ularni miqdoriy o’lchash va kompleks tahlil qilish metodlari yig’indisigina bo’lib qolmasdan, balki u pul muomalasi jarayonini tashkil qilishni rivojlantirish, bu jarayonni boshqarish samaradorligini hamda umumiy ijtimoiy-iqtisodiy rivojlantirish samaradorligini oshirishga qaratilgan umumiy vazifalarni yechishda ham bevosita qatnashadi. Shu nuqtai-nazardan pul muomalasi statistikasining umumiy vazifalari quyidagilar: