|
III. "Qishloqqurilishbank" ATBNING OLTIARIQ FILIALINING HUQUQIY ASOSLARI VA MOLIYAVIY KO'RSATKICHLARI TAHLILI.
3.1 "Qishloqqurilishbank" ATBning Qoraqalpog‘iston Respublikasi mintaqaviy filialining tashkiliy huquqiy asoslari
O’zbekiston Respublikasi Prezidentining 2009 yil 30 martdagi ""Qishloq qurilish bank" Aksiyadorlik tijorat bankini tashkil etish to’g’risida"gi PQ-1083-sonli qaroriga muvofiq OAT "G’allabank" negizida ATB "Qishloq qurilish bank" tashkil etilgan.
Hozirgi vaqtda Bank quyidagi tashkilotlar a'zosi hisoblanadi:
O’zbekiston banklari Assotsiatsiasi;
O’zbekiston Respublikasi Savdo-sanoat palatasi;
"Toshkent" Respublika fond birjasi;
Respublika Valyuta birjasi;
"Ekosan" xalqaro xayriya fondi;
Xalqaro banklararo moliyaviy telekommunikatsiyalar hamjamiyati (S.W.I.F.T.);
Fuqarolarning banklardagi omonatlarini kafolatlash fondi;
Davlat o'rta muddatli obligatsiyalari bo'yicha O'zbekiston Respublikasi Markaziy bankinig rasmiy va vakolatli dileri hisoblanadi.
Shu bilan birga, Bank - "Uzbekinvest" Milliy eksport-import sug'urta kompaniyasi, "Uzagrosug'urta" Davlat aksionerlik sug'urta kompaniyasi, "Uzqishloqxo'jalikmashlizing" lizing kompaniyasi, "ROISON" Mas'uliyati cheklangan jamiyati, "SINO" Ochiq aksiyadorlik jamiyati bilan hamkorlik qiladi.
Bankning asosiy mablag’lari va resurslari quydagilardan tashkil topgan:
a) Bank foydasidan;
b) jalb etilgan depozitlar va resurslar hisobidan;
v) bank tomonidan ajratilgan resurslardan.
Bankning majburiyatlari va javobgarligi quydagilarda о’z aksini topadi:
1. Bank omonatchilar va kreditorlar manfaatini himoya qiladi.
2. Markaziy bank tomonidan belgilangan umumiy iqtisodiy normativlarga rioya etadi.
3. Bank markaziy bankda majburiy zahiralarni saqlash maqsadida bankka о’z vaqtida mablag’lar о’tkazilishini ta’minlaydi.
4. Bank fuqarolardan qabul qilgan omonatlarni shartnoma shartlariga muvofiq о’z vaqtida foizlari bilan birgalikda qaytarilishini kafolatlaydi.
5. Bank о’z faoliyatiga oid hisobot axborotlarni bankning markaziy apparati, hududiy boshqarma hamda Markaziy bankning hududiy boshqarmasiga belgilangan vaqtda taqdim etadi.
6. Bank о’z mijozlari va omonatchilarining hisob varaqalari, operatsiyalari hamda jamg’armalariga doir ma’lumotlarni sir saqlashga kafolat beradi. Bankning barcha xodimlarlari bank va uning mijozlari va omonatchilarining bank operatsiyalari, hisobvaraqalari hamda jamg’armalariga oid ma’lumotlarni sir saqlaydi. Bank siriga oid ma‟lumotlarni qonunda belgilangan tartibda oshkor qilishi mumkin.
7. Bank qonunda belgilangan holatlarda va o’rnatilgan tartibda boshqa xuquq va majburiyatlarga ega bо’lishi mumkin.
Bank quydagi operatsiyalarni amalga oshiradi:
a) jismoniy va yuridik shaxslar, shu jumladan, vakil banklarning hisobvaraqalarini ochish va yuritish, hisobvaraqalar bо’yicha hisob-kitoblarni amalga oshirish;
b) yuridik va jismoniy shaxslarning pul mablag’larini о’rnatilgan tartibda depozit va omonatlarga jalb etish;
v) kreditlarning qaytarilishi, foizliligi va muddatliligi sharti bilan о’z mablag’lari va jalb qilingan mablag’lar hisobidan о’z nomidan kreditlar berish;
g) mablag’ egasi yoki mablag’ni tasarruf etuvchi bilan tuzilgan shartnomaga binoan pul mablag’larini boshqarish; d) chet el valyutasini naqd pul va naqd bо’lmagan pul shakllarida yuridik va jismoniy shaxslardan sotib oladi va ularga sotadi;
ye) cheklar, tо’lov va hisob-kitob xujjatlarini inkassatsiya qiladi;
yo) uchinchi shaxslar nomidan majburiyatlarning bajarilishini nazarda tutuvchi kafolatlar beradi;
j) uchinchi shaxslardan majburiyatlarning bajarilishini talab qilish xuquqini olish;
z) qimmatli qog’ozlar chiqarish, xarid qilish, saqlash va ularninghisobini yuritish, mijoz bilan tuzilgan shartnomaga binoan qimmatli qog„ozlarni boshqarish, qimmatli qog’ozlar bilan boshqa operatsiyalarni bajarish;
i) bank faoliyati yuzasidan maslahat va axborot xizmati kо’rsatadi;
k) moliyaviy lizing xizmati kо’rsatish, jismoniy va yuridik shaxslarga iste’mol, ippoteka va boshqa kreditlar berish hamda xalqaro bank amaliyotiga muvofiq litsenziyada maxsus kо’rsatilgan boshqa operatsiyalarni amalga oshiradi.
Bank foydasini taqsimlanish tartibi.
Bank tomonidan olingan yillik foyda belgilangan tartibda taqsimlaydi. Bankning о’z moliyaviy xо’jalik faoliyatini о’rnatilgan tartibda tasdiqlangan bankning biznes-rejasi va byudjetida belgilangan prognoz parametrlari asosida yuritadi. Bank biznes-rejasi va byudjetiga qо’shimcha о’zgartirishlar. Bank kengashi va boshqaruvi qarorlari asosida kiritiladi. Bankning foydasi о’z faoliyatining hamma turlaridan olingan daromadlari, barcha operatsion xarajatlar, xususan soliq tо’lovlari, mehnatga xaq tо’lash va boshqa xarajatlar о’tkazilgandagan sо’ng tashkil topadi.
Bank faoliyatini tо’xtatish.
Bank faoliyati bank Kengashi yig’ilishining qaroriga muvofiq, shuningdek amaldagi qonunlarda kо’zda tutilgan boshqa holatlarda tо’xtatiladi. Bankni tugatish bilan bog’liq masalalarni hal etish uchun bank tugatish komissiyasini tashkil etadi.
Tugatilgan bankning mulki qonunda belgilangan tartibda byudjet, byudjetdan tashqari jamg’armalar, ish haqi bilan bog’liq munosabatlarlardan kelib chiqadigan tо’lovlar hamda barcha kreditorlar bilan hisob-kitob qilingach bankka topshiriladi. Bank tugatilganligi haqida xabar mat’buotda e’lon qilinadi.
Do'stlaringiz bilan baham: |
