Moliya / Budjet. Budjetdan tashqari jamg‘armalar]

5-bob.Chakana savdo va xizmatlar ko‘rsatish sohasida tadbirlar o‘tkazish hisobiga mahalliy budjet daromadlar bazasini kengaytirish
19. Naqd pulda hisob-kitoblarni amalga oshiruvchi tadbirkorlik subyektlari faoliyatini tizimli nazorat qilib borish maqsadida har bir subyektga joyiga borgan holda kunlik monitoring o‘tkazib borish uchun davlat soliq xizmati organlari va tijorat banklarining mas’ul xodimlari biriktiriladi.
20. Davlat soliq xizmati organlari va tijorat banklaridan biriktirilgan mas’ul xodimlari:
chakana savdo va xizmatlar ko‘rsatish sohasi korxonalarining rahbarlari va xodimlari bilan naqd pul tushumlarining to‘liq topshirilishi yuzasidan profilaktik suhbat o‘tkazadilar;
nazorat-kassa mashinalarini ro‘yxatga olish jarayonida tadbirkorlik subyektlari bilan naqd pul tushumlarini topshirish bo‘yicha qonun hujjatlarida belgilangan talablar va ularni buzganlik uchun javobgarlik choralari to‘g‘risida alohida profilaktik suhbat o‘tkazadilar;
chakana savdo va xizmatlar ko‘rsatish sohasidagi noturar binolarga hisoblangan mol-mulk solig‘i va yer soliqlarini undirish bo‘yicha amaliy yordam ko‘rsatadilar;
noqonuniy ravishda tadbirkorlik faoliyati bilan shug‘ullanish holatlari aniqlanganda, belgilangan tartibda nazorat va profilaktik tadbirlar o‘tkazadilar;
Oldingi tahrirga qarang.
qonun buzilish faktlari to‘g‘risidagi jismoniy va yuridik shaxslarning murojaatlari asosida, tekshirishlarni muvofiqlashtirish bo‘yicha vakolatli organ bilan kelishgan holda tadbirkorlik subyektlarida tekshirish o‘tkazadilar;
(20-bandning oltinchi xatboshisi O‘zbekiston Respublikasi Vazirlar Mahkamasining 2019-yil 17-apreldagi 320-sonli qarori tahririda — Qonun hujjatlari ma’lumotlari milliy bazasi, 17.04.2019-y., 09/19/320/2958-son)
tadbirkorlik subyektlarida o‘tkazilgan tekshirishlar natijasida qabul qilingan qarorlar asosida qo‘llanilgan moliyaviy jarimalarni undirish choralarini ko‘radilar;
belgilangan muddatlarda moliyaviy jarimalarni ixtiyoriy ravishda to‘lamagan taqdirda tegishli choralarni ko‘rish uchun iqtisodiy sudga da’vo arizasi kiritadilar;
Oldingi tahrirga qarang.
(20-bandning to‘qqizinchi xatboshisi O‘zbekiston Respublikasi Vazirlar Mahkamasining 2019-yil 17-apreldagi 320-sonli qaroriga asosan chiqarilgan — Qonun hujjatlari ma’lumotlari milliy bazasi, 17.04.2019-y., 09/19/320/2958-son)
soliq tekshiruvi o‘tkazish davomida noqonuniy ravishda xodimlarni yollash va ish haqi berish holatlarini aniqlaydilar hamda ularni bartaraf etish bo‘yicha tegishli choralar ko‘radilar.