Mohiyati, iqtisodiy mazmuni

Loyiha risklari – loyihani amalga oshirish natijasida ko‘zlangan daromadlarning pasayishiga sabab bo‘ladigan vaziyatlar majmuasi.
Loyihaviy moliyalashtirish – yirik investitsiya loyihalarini moliyalashtirishda bir qancha bank resurslarining birlashishi va risklarning loyiha ishtirokchilari o‘rtasida taqsimlanishi.
Moliyaviy baholash - investitsiya loyihasining amalga oshirish jarayonidagi likvidligini tahlil qilish.
Moliyaviy institutlar – belgilangan qonun-qoidalar doirasida faoliyat yurituvchi mamlakatdagi moliya-kredit tashkilotlari.
Moliyaviy investitsiyalar - kapitalni, to‘lov va moliyaviy majburiyatlarning barcha turlarini o‘zida mujassamlashtiruvchi, moliyaviy aktivlarga joylashtirilishi.
Mоliyaviy mаnbаlаr – iqtisоdiyotning turli dаrаjаsidаgi chоrа-tаdbirlаrni аmаlgа оshirish uchun tаqоzо etiluvchi mоliyaviy mаblаg‘lаrning kеlib chiqish mаnbаlаri.
Pul – hamma tovar va xizmatlar ayirboshlanadigan, umumiy ekvivalent sifatida foydalaniladigan, boshqa barcha tovarlar qiymatini ifodalaydigan maxsus tovar.
Pul-kredit siyosati – davlat tomonidan iqtisodiy o‘sishni ta’minlash maqsadida pul muomalasini tashkil etish va barqarorligini ta’minlash uchun amalga oshiriladigan barcha chora-tadbirlar majmuyi.
Qo‘shma korxona - O‘zbekiston Respublikasida nizom kapitalining kamida 25 % i xorijiy investorlarga tegishli bo‘lgan va xorijiy investor faqat yuridik shaxs bo‘lgan korxonalar.
Qurilishlarning aniq mo‘ljalli ro‘yxati – obyektlar ro‘yxatini, shuningdek, ulardan foydalanish yo‘nalishlari bo‘yicha ishlar va xarajatlar hajmini o‘z ichiga oluvchi har yili buyurtmachilar tomonidan ajratilgan limitlar doirasida tuziladigan moliyaviy hujjat.
Rekonstruksiya (qayta ta’mirlash)  faoliyat yuritayotgan korxonani ma’naviy va jismoniy eskirgan qurilma va asbob-uskunalarni ishlab chiqarishni mexanizatsiyalashtirish va avtomatlashtirish, texnologik bo‘g‘inlar va
yordamchi xizmatdagi nomutanosibliklarni yo‘qotish yo‘li bilan almashtirish yordamida to‘liq yoki qisman o‘zgartirish.
Rentabellik – korxona faoliyatining foydalilik darajasi. Uning uch xil ko‘rsatkichi mavjud: korxona aktivlari rentabelligi, xususiy kapital rentabelligi va sotilgan mahsulot rentabelligi.