Mohiyati, iqtisodiy mazmuni

Izohli lug‘at
Aksiya - korxona mulkiga aksionerlarning qo‘shgan hissasini tasdiqlovchi hujjat.
Amortizatsiya - asosiy vositalarni va nomoddiy aktivlarni normativ xizmati muddati davomida qiymatini ishlab chiqarilayotgan mahsulotga o‘tkazib borish jarayoni.
Aylanma mablag‘lar – korxona mablag‘larining bir ishlab chiqarish jarayonida to‘liq iste’mol qilinuvchi qismi bo‘lib, o‘z ichiga xomashyo, material, yoqilg‘i, energiya, ehtiyot qismlar kabilarni oladi.
Bank aktivlari – banklarning asosiy faoliyatini amalga oshirishda foydalanuvchi turli moddiy va moliyaviy resurslar majmuyi. Ular, asosan, bank kreditlari, asosiy vositalari, sotib olgan qimmatli qog‘ozlari, investitsiyalari, valyuta boyliklari ko‘rinishida bo‘ladi.
Bank depozitlari – jismoniy va yuridik shaxslarning bank muassasalariga ma’lum muddatga va muddatsiz omonat shaklida qo‘yilgan bo‘sh pul mablag‘lari.
Bankni loyihaviy moliyalashtirish - investitsion loyihaning moliya manbasi, asosan, yoki qisman bank kreditlari hisobiga amalga oshiriladi.
Bankrot – qarzdorlik, nochorlik, tadbirkorning o‘z qarz majburiyatlari bo‘yicha mablag‘i bo‘lmaganligi uchun to‘lashdan bosh tortishi.
Biznes – ingilizcha so‘z bo‘lib, foyda olishga qaratilgan (ehtiyoj va muhtojlikni qondirish natijasida) tadbirkorlik faoliyatini anglatadi.
Biznes-reja – investitsiya loyihasiga oid hujjat hisoblanib, loyihaning imkoniyatlarini, xarajat va daromadlarini asoslash va baholashga, loyihaning moliyalashtirish manbalari va real pul oqimini hisob-kitob qilishga hamda loyihaning zararsizligini, o‘zini-o‘zi qoplashini va boshqa ko‘rsatkichlarni aniqlashga imkon beradi. Biznes-reja investorni o‘zi yo‘naltirayotgan investitsiyalarning samarali bo‘lishiga ishonch hosil qilishiga mo‘ljallangan.
Dividend – aksionerlik jamiyati sof foydasining bir qismi, aksionerlarga daromadlar naqd pul yoki aksiyalar bilan to‘lanadi.
Emissiya – qog‘oz pullarning g‘aznaxonaga yoki boshqa davlat moliya organlari tomonidan muomalaga chiqarilishi va barcha shakldagi pul belgilarini muomalaga chiqarish.