Modul №1 optika fanining rivojlanish tarixi

Tayanch iboralar:
Ikkilanib sinishda qutblanish, elliptik qutblanish, qutblangan nurlar interferensiyasi, dixroizm, qutblovchi asboblar, Nikol prizmasi, kristall plastinka qutblagichlar orasiga kiritilganda intensivliklarning o’zgarishi.


Mavzu bo’yicha savollar.
1. Ikkilanib sinishda nurlarning qutblanishiga sabab nima?
2. Ikkilanib sinishni Gyuygens yasamalari yordamida tushuntirib bering.
3. Elliptik qutblangan nurlar qanday hosil qilinadi?
4. Yorug’lik nurlari qanday usullar bilan qutblantiriladi?
5. Nikol prizmasida nurlarning qutblanishini tushuntiring.
6. Dixroik plastinkalar nima?
7. Nima uchun tik qutblangan nurlarda interferensiya kuzatilmaydi?
8. Qutblangan nurlarning interferensiyasi qachon kuzatiladi?
9. Qutblangan nurlar fazalar farqi nimalarga bog’liq bo’ladi?
10. Qutblagichlar orasidagi plastinkaning qalinligi har xil bo’lsa, qutblagichdan chiqqan nurlar qanday rangda ko’rinadi?
18-MAVZU: DEFORMATSIYA NATIJASIDA HOSIL BO’LGAN ANIZOTROPIYA. KERR EFFEKTI.


Reja:
1. Tashqi ta’sir natijasida sun’iy anizotropiyani yuzaga keltirish.
2. Mexanik deformatsiyada yuzaga keladigan anizotropiya.
3. Elektr maydonida yuzaga keladigan anizotropiya (Kerr samarasi).


Sun’iy anizatropiya. Nurlarning ikkilanib sinishi optik jihatdan izotrop bo’lgan yoki kubik tuzilishga ega bo’lgan kristallarda hamtashqi ta’sir natijasida yuzaga kelishi mumkin. Tashqi ta’sir natijasida modda ichidagi ayrim xaotik joylashga, ya’ni mikroanizotropiyaga ega bo’lgan molekulalar to’plami qayta guruhlanib, muhit makroskopik anizotropiya xususiyatlariga ega bo’lishi mumkin. Bunga sun’iy anizotropiya deyiladi. Sun’iy anizotropiyani yuzaga keltirish uchun tashqi bosim berishda va notekis isitishda yuzaga keladigan mexanik deformatsiyalardan tashqari, kuchli elektr va magnit maydonlarining ta’siridan ham foydalaniladi.