Miynet bazari statistikasi Jobasi

Miynet bazari statistikasi
Jobasi:

• 
  Kirisiw:
  

1. 
   Miynet bazari tu’sinigi ha’m statistikasinin’ waziypalari
   

• 
  Tiykarg’I bo’lim:
  

1. 
   Miynet resurslari statistikasi
   
2. 
   Ka’rxanada islewshiler qurami, sani ha’m ha’reketi ko’rsetkishleri
   

• 
  Juwmaqlaw
  

Miynet bazari degende bir ta’repten jumis beriwshiler, ekinshi ta’repten jumisqa talapkerler (jallaniwsilar)din’ o’z ara qatnasi a’melge asirilatug’in bazar ekonomikasinin’ arnawli bo’legi tu’siniledi ha’m ol to’mendegi komponentlerden quraladi: miynetke talap; miynet usinisi; miynet ku’shi bahasi; miynet ku’shi quni; ba’seki.
Miynetke bolg’an talap ma’mlekette miynet ku’shine bolg’an mu’ta’jlikti an’latadi. Talap jumisshilar sani menen bahalanadi. Miynet usinisi jumisshi ku’shinin’ uluwma sani bolip tabiladi. Miynettin’ bazar bahasi miynet haqi bolip, jallanip isleytug’inlarg’a belgili waqitta orinlan’an jumistin’ mug’dari ha’m sapasina qaray to’lenedi. Miynet quni oni ta’kirar islep shig’ariwg’a sarilang’an qa’rejetler menen aniqlanadi, yag’niy jumsalg’an materialliq ha’m materialliq emes qarjilar mug’dari.
O’zbekstanda mynet (jumis beriwshi menen jallanip islewshiler ortasindag’i qatnasiqlar) qatnasiqlari – O’zbekstan Respublikasi Miynet Kodeksine tiykarlanip sha’rtnamalar du’ziw arqali a’melge asiriladi. Ha’zirgi waqitta sha’rtnamalar du’ziw u’sh tu’rde a’melge asiriladi:

1. 
   Miynet sha’rtnamalari
   
2. 
   Ja’ma’a’t sha’rtnamasi
   
3. 
   Bas sha’rtnama
   

Miynet bazari subyektleri bolip to’mendegiler esaplanadi:

• 
  O’ndiris qurallari iyeleri ha’m olardin’ ma’plerin jaqlawshi organlar;
  
• 
  Jallanba isleytug’inlar ha’m olardin’ ma’plerin jaqlawshi sho’lkemler;
  
• 
  Ma’mleketlik jumis beretug’in ha’m jallanip isleytug’inlar ortasindag’i da’lda’lshilar.
  

Ha’rqanday bazar siyaqli miynet bazari da o’z rawajlaniw faktorlari, segmentleri ha’m modellerine iye.
Bu’gingi ku’nde O’zbekstan miynet bazarina ta’sir ko’rsetiwshi faktorlardi to’mendegishe toparlarga bo’liwimiz mu’mkin:

• 
  Xaliq sani, strukturaliq du’zilisi, shan’araq, xaliqtin’ o’siw tezligi ha’m basqalar (demografiyaliq faktorlar);
  
• 
  Turmis, bilim ha’m ja’miyetlik qatnas da’rejesi, uluwma mentalitet ha’m basqalar (socialliq faktorlar);
  
• 
  Ma’mleketlik sho’lkemlerdin’ miynet ha’m xaliqti jumis penen ba’ntligin sho’lkemlestiriwdegi roli, jumis beriwshiler menen jallanip islewshiler ortasindag’I huquqiy normalar, isbilermenlik ha’m kishi biznestin’ huquqiy ma’seleleri ha’m basqalar (sho’lkemlestiriwshilik-huquqiy faktorlar).
  

Usi ha’m basqa faktorlardin’ ta’siri astinda miynet klaslarg’a bo’linip (gruppalanip) baradi ha’m na’tiyjede kishi bazarlar yamasa miynet bazarinin’ segmentleri payda bola baslaydi. Bazar segmentaciyasin u’yreniwde a’dette u’sh belgi (ka’sip-tarmaq; ta’jiriybe-miynet haqi; socialliq-demografiyaliq) ha’m to’rt da’reje (ka’rxana; tarmaq; region; ekonomika) ko’riledi.
Solay etip, miynet ha’m miynet qatnasiqlari tarawinda ju’z berip atirg’an ha’diyse ha’m processler miynet statistikasinin’ predmeti bolsa, miynet bazari onin’ izertlew obyekti bolip esaplanadi.
Miynet statistikasinin’ tiykarg’i waziypalari bolip to’mendegiler esaplanadi:

• 
  Xaliqti ma’mlekettin’ miynet potencialin qa’liplestiriwshi baza sipatinda statistikaliq u’yreniw;
  
• 
  Xaliqtin’ ekonomikaliq aktivligi, ba’ntlik ha’m jumissizliq ko’rsetkishlerin statistikaliq analizlew;
  
• 
  Miynet ku’shi usinisi, og’an talap ha’m miynet bazari konyukturasin statistikaliq u’yreniw;
  
• 
  Miynet bazarindag’i jumis ku’shi qunin ha’m onin’ dinamikasin statistikaliq u’yreniw;
  
• 
  Miynet o’nimdarlig’i ha’m onin’ dinamikasin u’yreniw;
  
• 
  Miynet ku’shinin’ mobilligin (qa’niyge yamasa socialliq ka’siplik da’rejenin’ o’zgerisi ha’m miynet ku’shinin’ aymaqliq orinnan oring’a ko’shiwi) statistikaliq analizlew.