Mirzo Ulug’bek nomidagi O’zbekiston Milliy universiteti Iqtisodiyot fakulteti 4-bosqich Kadrlar menejmenti talabasi Uzoqova Dilnozaning Inson taraqqiyoti fanidan Mustaqil ishi

Mirzo Ulug’bek nomidagi O’zbekiston Milliy universiteti Iqtisodiyot fakulteti 4-bosqich Kadrlar menejmenti talabasi Uzoqova Dilnozaning Inson taraqqiyoti fanidan Mustaqil ishi

Mavzu: Ta’lim sohasida inson taraqqiyoti konsepsiyasini amalga oshirish yo’llari va yo’nalishlari

Reja:

1 Inson taraqqiyoti konsepsiyasining ahamiyati.

2 O’zbekistonda xalq ta’limi tizimini rivojlantirish konsepsiyasi

3 Mamlakatimizda Oliy ta’lim tizimi rivojlantirishning ustuvor yo’nalishlari

Inson taraqqiyoti konsepsiyasining ahamiyati.

Hozirgi kunda inson taraqqiyoti tushunchasi OAVda, shuningdek siyosiy va iqtisodiy sohalarda tez – tez qo’llanilmoqda. Inson taraqqiyoti konsepsiyasi ilk marotaba 1990 – yilda BMTTDning inson taraqqiyotiga bag’ishlangan Ma’ruzasida keng tahlil qilindi. Unga ko’ra, taraqqiyotning asosiy maqsadi insonlarni keng qamrovli tanlash imkoniyati bilan ta’minlashga qaratilgan bo’lishi lozim. Odamlarning sifatli ta’lim olishga erishishi, teng ravishda munosib ish o’rniga va salomatligini asrash uchun yetarli daromadga ega bo’lishi hamda malakali tibbiy xizmatdan foydalana olishi inson taraqqiyotining qay darajadaligini belgilab beradigan mezonlar hisoblanadi.

1990 – yil boshlaridan beri inson taraqqiyoti ko’rsatkichi (indeksi) belgilab olindi. Unga asosan mamlakat rivojlanishining o’rtacha darajasi inson taraqqiyotining asosan quyidagi uch asosiy o’lchoviga ko’ra aniqanadigan bo’ldi:

Kutiladigan yashash davomiyligi ko’rsatkichi o’zida mamlakat sog’liqni saqlash tizimi va ijtimoiy ta’minotning holatini ma’lum darajada aks ettiradi.

Ta’lim darajasi ko’rsatkichi aholi katta yoshli qismi(15 yosh va undan katta)ning savodlilik darajasini va aholini boshlang’ich, o’rta va oliy ta’limga jalb qilish holatini o’zida ifoda etib, mamlakat ta’lim tizimining qay tarzda ekanligini ko’rsatib beradi.

Aholi jon boshiga nisbatan YaIM (yalpi milliy mahsulot) ko’rsatkichi mamlakat fuqarolarining daromadi qay darajada ekanligini ko’rsatadi.