Mirsaid Aripov, Nurillo Otaxanov

8.2. Qism – programmalar

Ko`pincha, bir masalani yechish jarayonida uni mazmunan bir hil bo`lgan bir nechta “masalacha” larga ajratish qulay bo’ladi. Masalan, uchlarining koordinatalari berilgan uchburchak tomonlarini hisoblashda

formula turli koordinatalar uchun uch marta uchraydi.

Shunga o’xshash masalalar uchun dastur ishlab chiqishda ayrim buyruqlar ketma-ketligidan bir nechta marta foydalanishga to`g’ri keladi. Bunday buyruqlar ketma-ketligini qism-programma deb atash qabul qilingan bo’lib, ularni yozishda formal o`zgaruvchilardan foydalaniladi.

Q o`yilgan masalani yechishga qaratilgan, ehtiyojga ko`ra qism-programmalar ishini boshqaradigan dastur asosiy deb ataladi. Asosiy dasturda qism-programmadagi formal o`zgaruvchilar o`rniga qo`yilishi lozim bo`lgan joriy o`zgaruvchilar ko`rsatiladi va qism-programmaga murojaatlar tashkil qilinadi.

Masala-1. Uchburchak uchlari (x₁, y₁), (x₂, y₂), (x₃, y₃) koordinatali nuqtalarda yotgan bo`lsin. Berilgan (x, y) koordinatali nuqta shu uchbur-chak ichida yotadimi? (8.1-rasm)