Mirsaid Aripov, Nurillo Otaxanov

18.1. Ma`lumotlar bazasining klassifikatsiyasi

MB ma`lumotlardan foydalanuvchi dasturlarning holati, ma`lumotlar va ularni foydalanuvchilar o`rtasida taqsimlanishiga qarab lokal va masofadan joylashgan MB larga bo`linadi.

Lokal ma`lumotlar bazasi. Lokal MB ning ma`lumotlari (MF) bitta (lokal) qurilmada joylashadi Bu qurilma sifatida komp’yuter diski yoki tarmoq diski (tarmoqda ishlayotgan boshqa komp’yuter diski) ni olish mumkin.

Ma`lumotlarni foydalanuvchilar sifatidagi bir yoki bir nechta komp’yuterlardagi foydalanuvchilar o`rtasida taqsimlash (ma`lumotlar bilan ishga ruxsat berish) uchun lokal MB larda fayllarni to`sish deb ataladigan metodi qo`llanadi. Bu metodning mohiyati shundaki, bitta foydalanuvchi MB dan foydalanayotgan vaqtda, boshqa foydalanuvchilar undan foydalana olmaydi, ya`ni ma`lumotlar ulardan to`sib qo`yiladi.

Lokal MB larga misol qilib Paradox, dBase, FoxPro va Access dasturiy vositalarini olish mumkin.