Milliy turizm mahsulotlari va brendlari

Fanning maqsad va vazifalari
Fanni o‘qitilishidan maqsad - respublikaning milliy turizm mahsulotini yaratish, turistik tashkilot va firmalar tomonidan bir xil milliy turizm mahsulotlarni yaratish jarayonini o‘rgatishdan iborat.
Fanning vazifasi bo‘lib, milliy turizm mahsulotning turoperatorlar tomonidan yaratilishini amalga oshirish, milliy turizm mahsulotini yaratishda aniq iste’molchining talabini inobatga olish hamda turistik agentliklar orqali muloqot qilish haqida batafsil ma’lumot berishdan iborat.


Fan bo‘yicha talabalarning bilim, ko‘nikma va malakalariga qo‘yiladigan talablar
- “Milliy turizm mahsulotlari va brendlari” fanining maqsadi va vazifalari;
- milliy turizm mahsulotini shakllantirish jarayoni;
- milliy turizm mahsulotining harakati va realizatsiyasi;
- milliy turizm mahsulotiga bo‘lgan talab va taklif;
- milliy turizm mahsulotini yaratishda standartlashtirish va sertifiqatlash
- milliy turizm mahsulotiga narx belgilash haqida bilishi kerak.
Bular bilan bir qatorda bakalavr:
- milliy turizm mahsulotining qiymati va sotilishini tahlil qilishni;
- milliy turizm mahsulotining hududiy rivojlanishini;
- milliy turizm mahsuloti samaradorligini;
- milliy turizm sohasida brend yaratishni;
- O‘zbekistonning milliy turizm brendini;
- xalqaro bozorda milliy turizm mahsuloti va brendini reklama qilishni malakalariga ega bo‘lishi kerak.


Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviyligi
“Milliy turizm mahsulotlari va brendlari” fani tanlov fan hisoblanib, 6-semestrda o‘qitiladi. Dasturni amalga oshirish o‘quv rejasida rejalashtirilgan “Turizm: nazariya va amaliyot”, “Turizmda mehmonxona xizmatlari” “Ekskursiya xizmatini tashkil etish”, “Turizm klasteri” kabi fanlardan yetarli bilim va ko‘nikmalarga ega bo‘lish talab etiladi. “Milliy turizm mahsulotlari va brendlari” fani “Turizm va mehmonxona xo‘jaligi marketingi”, “Turizmni rejalashtirish”, “Turpereyting”, “Turizm va mehmonxona xizmatlari iqtisodiyoti” va boshqa fanlarni o‘rganishda asos bo‘lib xizmat qiladi.