«Milliy iydeyanin` tiykarg` i ideyalari ha`m olardi a`melge asiriw ma`seleleri» Mazmunı

Jumıstın’ aktuallıg’ı: Milliy ideya da’slep g’a’rezsizlikti qolg’a kirgiziw jolında xalıqtı, milletti bag’darlawg’a qa’dir, g’a’rezsizlik, erkinlik ha’m demokratiya ornatiliwi ushın ulıwma xalıqtın’ ku’sh-g’ayratın birlestiriwshi, jaqsılıqqa tiykarlang’an ideyalar birligi sıpatında payda boladı. Usı jolda xalıqtın’, millettin’ arzıw-tilekleri sociallıq-ma’nawiy turmıs salalarındag’ı o’zine ta’n o’zgesheliklerdi sa’wlelendiretug’ın maqsetler ja’mi sıpatında o’z mazmunına iye. Milliy ideya g’a’rezsizlikti asırap-abaylaw, bekkemlew menen baylanıslı. Bunın’ ushın xızmet qılatug’ın ideya ha’m maqsetler ja’mi spıatında puqaralardın’ isenimin asırıp, ja’miyetti tu’rli qa’wip-qa’terlerden qorg’aw, birden-bir xalıq bolıp birlese alıw, sociallıq organizm sıpatında o’zin-o’zi saqlap qalıw, asırap-abaylaw o’zine ta’n ha’m sa’ykes demokratiyalıq ja’miyetti qurıwg’a ja’rdem beredi, sonday-aq, g’a’rezsizlikti ja’nede rawajlandırıwg’a bag’darlang’an kontseptual ideya sıpatında da payda boladı. Bul tekten-tek emes a’lbette. Sebebi, o’z abırayı, qa’dir-qımbatın, ar-namısın biyganalardın’ qorlawınan qorg’awdı qa’legen ha’r qanday xalıq keleshek a’wla’d aldındag’ı muqaddes wazıypasın, yag’nıy o’zinen keyin de abat Watan qaldırıwdı parız sıpatında orınlawı sha’rt.
U’yreniliwi: Bu’gingi O`zbekstan milliy ideyası sonday ullı, jaqsı maqsetler menen birlestiriwshi ideyalar ekenin seziw qıyın emes.
Bul ma’sele Respublikamızdın’ ko’plegen alımları ta’repinen teoriyalıq ha’m a’meliy ko’z-qarastan ken’ tu’rde u’yrenilip kelinbekte. Milliy ideyanın’ ma’nis mazmunı ha’m insan sanasına ha’m qa’lbine sin’diriwdin’ ha’zirgi rawajlanıw basqıshındag’ı a’hmiyetli ma’seleler haqqında professor X.Nazarov, N.Jwraev, S.Otamuratov, İ.Ergashev ha’m sonday-aq alımlar M.Artıqov, S.Olimov, U.Abilov, M Qodirova ha’m basqalar ilim-izertlew jumısların alıp barmaqta.
Maqseti: Milliy ideologiya pikirdi pikirden, ideyanı ideyadan, ma’riypettin’ nadanlıqtan parqın ko’riwge, jaqsı pikir ideya ha’m a’meller menen birge jawız pikir, ideyalar barlıg’ınan da xabardar etedi. Olarda jawız ha’m zulım ideyanın’ ha’r qanday ko’rinisine qaray ideyalıq immunitetti bekkemleydi. Jaqsılıq do’retiwshi ideyalar menen jasawg’a o’z iskerligin erkin, pa’rawan turmısqa bag’darlawg’a shaqıradı.
Milliy ideyanın’ tiykarg’ı ideyaları O`zbekstan xalqının’ tariyxıy maqsetlerin an’lawg’a ja’rdem beretug’ın, erkin ha’m pa’rawan turmısqa erisiw jolların ha’m sha’rt-sharayatların ko’rsetip beretug’ın, a’ne sonday jaqsılıq maqsetler jolında xalqımızdın’ ku’sh-g’ayratın bag’darlaytug’ın ku’shli faktor bolıp esaplanadı. Sonın’ ushında onı u’yreniw, biliw u’lken teoriyalıq ha’m praktikalıq a’hmiyetke iye.