Микроорганизмларнинг озиқланиш типлари. Гетеротрофлар томонидан со

34-расм. Микроорганизмларнинг фотосинтез аппарати:
1, 4 – қирмизи бактериялар;
2,3,5 – яшил рангли олтингугурт бактериялари.



:
Уларда фотосинтез қуйидагича боради:
Яшил бактерияларда:

Қирмизи бактерияларда:
Бир ҳужайрали сувўтлар култураси. Бир ҳужайрали сувўтлардан Chlorella авлодига мансуб Chl. elipsoidea, Sh1. vulgaris, Shl. pyrenoides ва бошқа бир ҳужайрали сувўтлардан диатом ва кўк яшил сувўтлари кейинги вақтларда кўп миқдорда МДҲ мамлакатларида, Америка, Японияда ўстирилмоқда. Улар ҳосил қилган биомассада кўп миқдорда оқсил, ёғ ва витаминлар учрайди, шунинг учун улар ҳайвонлар учун фойдали озиқа сифатида ўстирилади. Масалан, хлорелла ёруғлик энергиясия 24% ўзлаштириб, 1м² юзада 1 кунда 70г қуруқ модда ҳосил қилади. 1 гектардан 700 кг дан, Америка Қўшма Штатларида 1м² да 110 кг дан ҳосил олинган. Ўзбекистон Фанлар академияси микробиология институтинннг олимлари 1г сув юзасидан 30 тоннага яқин қуруқ хлорелла олишга муваффақ бўлдилар.
Хлорелла ҳосил қиладиган биомассада 50% оқсил ва кўп миқдорда С витамини бўлади. Қуритилганида эса витамин миқдори камаяди. Хлорелладан олинган оқсил таркибида жуда оз микдорда бўлса ҳам метионин аминокислотаси учрайди, 5-6% ёғ бўлади. Агар ўстириш шароити ўзгартирилса, унда ёғ миқдори ортиши мумкин, озиқ муҳитида азот кам бўлса, хлорелла секин ўсади, оқсил миқдори камаяди, ёғ миқдори эса кўпаяди.
Тажрибаларнинг бирида Shl. pyrenoides нормал усулда озиқ-лантирилганда, биомассада 88,2% оқсил ва 5,2% ёғ ҳосил бўлган. Азот етишмаганда 7,3% оқсил ва 83,2% ёғ ҳосил бўлган. Хлорелла махсус очиқ ёки ёпиқ системаларда СО₂ билан бойитилган ҳавода ва озиқа тузлари етарли бўлган шароитда ўстирилади. Азот манбаи сифатида KNO₃ ёки (NH₄)₂SO₄ тузи берилади. Айниқса мочевина яхши ўғит ҳисобланади. Хлорелла ўстирилаётган ҳовузларда темир тузлари чўкмага ўтиб қолмаслиги ва хлорелла ҳужайраларида фотосинтез процесси яхши бориши учун, ҳовузлардаги суюқлик мунтазам равишда аралаштириб турилади. Хлорелла космик кемаларда ўстирилса, космонавтларни кислород билан мунтазам таъминлаб туради.