Микрои=тисодий статистиканинг объекти, услуби ва вазифалари

Tayanch iboralar: yo‘lovchi tashish statistik hisoboti; tashish daromadi; yo‘lovchilar taqsimoti; yo‘lovchi oqimi; daromad stavkasi; bekatlar aro korrespondentsiya; ma’lumot hisoblash markazi.


4.4. Qo‘l yuki tashish statistikasi

Temir yo‘l transportida, yo‘lovchilarga tegishli bo‘lgan shaxsiy narsalardan iborat qo‘l yukini tashish uchun, shu maqsadga mo‘ljallangan maxsus qo‘l yuki vagonlaridan foydalaniladi. Pulli yoki bepul yo‘l chiptasini yo‘lovchi ko‘rsatib, tashish uchun topshirgan va boshqa transport turlaridan hamda xorij temir yo‘llaridan mamlakat temir yo‘llarida harakatni davom ettirish uchun qabul qilingan qo‘l yuklari statistik hisobga olinadi. Qo‘l yukini tashish jo‘natish bekatida, uni tashishga qabul qilish momenti bo‘yicha, hisobga olinadi.

Qo‘l yuki kuzatuv birligi bo‘lib qo‘l yuki jo‘natmasi xizmat qiladi. Har bir qo‘l yuki jo‘natmasi bo‘yicha quyidagi hislatlar qayd etiladi: jo‘natish kalendar oyi; jo‘natuvchi va qabul qiluvchi manzil bekati va temir yo‘li; jo‘natma massasi; yo‘nalish turi; tashish haqi. Qo‘l yuki tashish statistikasida tashish yo‘nalishning ikki turi belgilangan: mahalliy va to‘g‘ri yo‘nalishlar.
Mahalliy yo‘nalishda qo‘l yuki tashish– bu, bitta temir yo‘l doirasida tashilgan qo‘l yuki, to‘g‘ri yo‘nalishda qo‘l yuki tashish – qo‘l yuki tashishda bir necha temir yo‘llar ishtirok etadi.
Qo‘l yuki aylanmasi ko‘rsatkichi, qo‘l yuki massasini tashish masofasiga ko‘paytmasi tarzda aniqlanadi.
Dastlabki hisob manb’asi- bularga Qo‘l yuki kvitantsiyalari bo‘lagi, uzatish Qaydnomalari kiradi. Qo‘l yuki tashish hisobotini tuzish uchun Qo‘l yuki kvitantsiyalari bo‘lagi, suv transporti va to‘g‘ri aralashgan temir yo‘l-suv yo‘nalishidagi xorij temir yo‘llaridan Qo‘l yuki qabul qilish to‘g‘risidagi uzatish Qaydnomalari, dastlabki hisob manb’asi bo‘lib xizmat qiladi. Bu Qaydnomalar qayta ishlanib bo‘lgach, tonna o‘lchov birligida tashilgan qo‘l yuki hajmi, tonna-kilometrdagi yuk aylanmasi, qo‘l yuki tashish daromadi umumiy summasi, shuningdek qo‘l yuki tashish o‘rtacha masofasi va o‘rtacha daromad stavkasi to‘g‘risida statistik hisobot tuziladi.