Mikrobiologiya va immunologiya

Gram usulida bo’yash
1. Alangaga tutib fiksasiyalangan surtma filtr qog’oz orqali 2 minut davomida gensianviolet bo’yog’i bilan bo’yaladi.
2. Filtr qog’oz olinib, bo’yoq to’kib tashlanadi va surtma ustiga Lyugol eritmasi quyiladi (u kul rang-qo’ng’ir tusga kiradi), ikki minut turadi.
3. Lyugol eritmasini to’kib, 96 gradusli spirt quyiladi (30 sekund).
4. Suvda yaxshilab yuviladi.
5. 2 minut davomida Sil fuksini bilan qo’shimcha bo’yaladi (fuksinni ishlatishdan oldin distillangan suv bilan 1:10 nisbatda suyultirish kerak).
6. Suvda yuvib, filtr qog’ozga shimdirib quritiladi va mikroskopning 90x ob’yektivida tekshiriladi.
Nazorat savollari:
1. Mikroorganizmlarni oddiy va murakkab bo’yash usuli deb nimaga aytiladi?
2. Mikroorganizmlarni Gram usulida bo’yashning mohiyati nimadan iborat?
3. Mikroorganizmlarning grammanfiy yoki grammusbat bo’yalishining sababi nima?
5-mavzu: Spora, kapsula va kislotaga chidamli bakteriyalarni bo’yash usullari.
Mashg’ulotning maqsadi:Spora, kapsula va kislotaga chidamli bakteriyalarni bo’yash usullarini o’rganish hamda mohiyatini tushunish.
Material va jihozlar: Biologik mikroskop, immersion moy, buyum oynasi, filtr qog’oz, spirt lampa, bakteriologik ilmoq, kyuveta ko’prikcha bilan, 95⁰ li spirt, 5% li sulfat kislotasi eritmasi, distillangan suv, shisha idishlarda bo’yoqlar: Leffler metilen ko’ki, 0,5 % li neytralrot, karbolli Fuksin, Gimza bo’yog’i, 2 % li safranin (suvdagi eritmasi), fiziologik eritma, bakteriyalar kulturasi: spora hosil qiladigan bakteriyalar (pichan tayoqchasi), kapsula hosil qiladigan bakteriyalar, kislotaga chidamli va chidamsiz bakteriyalar. Plakatlar.
Uslubiy ko’rsatmalar:
O’qituvchi darsni tushuntirib, talabalarga vazifa beradi:
1.Sporalarni Peshkov, Zlatogorov, Meller usullarda bo’yash, kapsulalarni Mixin, Romanovskiy Gimza, Olt usullarida, kislotaga chidamli bakteriyalarni Sil Nilsen usulida bo’yashni daftarga yozib olish.
2. Preparatlarni tayyorlash va bo’yash: spora hosil qiluvchi mikroorganizm (kartoshka basillasi) o’zingiz tanlagan bir usulda, kapsula hosil qiluvchi mikroorganizm (selikat basillasi) o’zingiz tanlagan bir usulda, kislotaga chidamli va chidamsiz bakteriyalarni Sil Nilson usulida. Mikroskopda ko’rib, rasmini chizib oling.