Microsoft Word Tursunboyev S. O'zbek teatri tarixi. Majmua

 
«ALISHER NAVOIY» SPEKTAKLINING YARATILISHI HAQIDA 
Hozirgi kunda ijodiy hamkorlik, teatr bilan dramaturgning hamkorligi degan tushuncha 
ostida qanday ma’no borligini bilmayman. Fikrimcha, «ijodiy hamkorlik» bu ikki chinakam 
mutafakkir kuch, san’atkor bilan adibning haqiqiy teran mazmunli fikrdoshligidir. Aytaylik, 
Og’a, Yetim aka, Sayfi qori aka, Obid Jalilov kabi yirik san’atkorlarning har biri juda katta 

---

bilimga  ega  bo’lgan,  yuksak  tafakkurli  olim  san’atkor  edi.  Shuning  uchun  ham  ular  bilan 
suhbatlashgan,  bahslashgan,  fikrlashgan  dramaturg  bilardiki,  bu  suhbat  ikki  ulkan 
tafakkurning  to’qnashuvidan  iborat.  Ana  shuning  uchun  dramaturglarda  san’atkorlarga 
nisbatan  e’tiqod  juda  yuksak  edi.  O’z  navbatida,  san’atkorlar  ham  dramaturglarga  yuksak 
ehtirom ko’rsatib, o’z fikrlarini xayrxohona, oshkora va to’la-to’kis bayon qilardi. Ana shu 
o’zaro ishonch tufayli bu muhokamalar chinakamiga teran hamkorlik tusini olardi. 
«Alisher  Navoiy»  pyesasining  yaratilishida  ham  ana  shu  chinakam  hamkorlik  o’z 
sharofatini ko’rsatdi. Bu xayrli ishning bir qanotida Uyg’un va Izzat Sulton kabi ikki yirik 
adib, ikkinchi tomonda esa Og’a boshliq ulkan san’atkorlar turardi. 
 
Nazira Aliyeva
, O’zbekiston xalq artisti. 
«San’at mening hayotim», 
1975-yil, 255-bet.