Microsoft Word Tursunboyev S. O'zbek teatri tarixi. Majmua

 Y.MIRZO SHARXI 
  Eng quvonchlisi shundaki “Alisher Navoiy” spektakli yigirma yil davomida bir necha 
aktyorlarimiz  uchun  ijod  maktabi,  imtixon  spektakli  xizmatini  o’tadi.  Bu  safar  birinchi 
o’ynalishidan  qatnashayotgan  Sayfi  Olimov  (Jomiy)  To’g’on  Shukurov  (shayxulislom), 
Muhammad Umarxo’jayev (Turdivoy), Sharif Qayumov (Abdulmalik)lar bilan bir qatoorda 
Ne`mat  Qosimov  (Xusayn  Boyqaro),  Rixsi  Ibroximova  (Guli),  To’lqin  Tojiyev  (Mansur), 
Turg’un Azizov (usta Jaloliddin) kabi talantli yoshlarimiz katta ansamblga yaxshi qo’shila 
oldilar.  
  Bosh  qahramon  va  olti  yuzinchi  marta  xalq  nazariga  tushayotgan  Alisher  Navoiy 
obrazini  bu  safar  Olim  Xo’jayev  katta  kuch  sarflab,  butun  mahoratini  jamlab  monument 
obrazini jonlantira oldi.  

---

  Bu  ulug’  siymo  obrazi  Olim  Xo’jayevga  kamolot  shahodatnomasini  tutqazdi,  bu 
obraz unga shuxrat tojini kiygazdi. 
  Uch soat davomida tomoshabin zo’r iztiroblar, qaynoq tuyg’ular girdobida yashaydi. 
Adolatning  haqsizlik  ustidan,  poklikni  bo’xton  istidan,  nurning  zulmat  ustidan,  aqlning 
jaholat ustidan g’alaba qozonishi muqarrarligiga yana bir bor ishonch xosil qiladilar.  
  “…Gullarga  ko’milib  ketgan  sevimli  qahramonimiz  (Olim  Xo’jayev)  qarshisida 
davrimizning  ulkan  shoiri  G’afur  G’ulom  chiqib,  she`ri,  tashakkurini  izhor  qilganida, 
zaldagilar  nazarida  go’yo  Navoiy  orzulari  ushalganligi,  uning  avlodi  baxtiyor  kunlarga 
musharraf bo’lganligini sezib asrlar osha “labbay” o’z farzandlarini olqishlagani kelganday 
bo’ldi… 
 
Y. Mirzayev.”Olti yuz marta olqish olgan spektak”.  
“O’zbekiston madaniyati” 1966 yil