Microsoft Word togaymurod otamdan qolgan dalalar lotin ziyouz com doc

 
23
Paxtakorlar yordamchilarga o‘ligini tashlab oladi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
37
Dalada nima ish bo‘ladi — brigadir direktorimizga keladi. 
— Paxta ortishga uchta bola bering. 
— Paxta tushirishga ikkita bola bering. 
— Dori sepishga bitta bola bering, — deyda. Brigadir aytmish ishlar qnyin ishlar bo‘ladi. Qiyin 
bo‘lsa-da, bolalar men borayin-men borayin, deya talashadi. Boisi — bolalar bir kun bo‘lsa-da, paxta 
terishdan qutulayin, deydi. 
Direktorimiz bundaychikin ishlar uchun oz teruvchilarni jo‘natadi. 
Ertalab brigadir tag‘in sarg‘ayadi. 
— Samolyotga yo‘l ko‘rsatuvchi bering, — deydi. 
Bu safar katta bolalar o‘zlarini olib qochadi. Talashib-tortishmaydi. 
— Jamoliddinov! — deydi direktorimiz. — Olg‘a! Men bo‘ysiradan otilib oldinlayman. 
Direktorimiz qalami uchi bilan meni bragadirga ko‘rsatadi. 
— Mana, manavnni oling! — deydi. Brigadir meni bosh-oyoq qarab oladi. 
— Domla, buninshz g‘o‘zalar ichida ko‘rinmaydiyu? — deydi. 
Bo‘ysira piq-piq kuladi. 
— Ko‘rinadi! — deydi direktorimiz. — Bayroqcha dastasini uzunroq qilasiz — ko‘rinadi! 
Brigadir meni ulkan tutkunda oldiga ergashtirib boradi. 
Tutkundada bir odam bayroq yasab o‘tiradi. 
— Sopini uzunroq qil, — deydi brigadir. — Manavini bo‘yiga qarab qil. 
Bayroqchi odam bo‘y-bastimdan lab buradi. 
— Jonlirog‘i yo‘qmidi? — deya to‘ng‘illaydi. Bayroqchi kaltarog‘ini tashlaydi. Uzunroq xoda 
oladi. Xoda uchiga bir qulochlik cho‘pni qoq belidan mixlab qoqadi. Uch qarichcha quyiroqdan tag‘in 
bir cho‘pni bel qilib mixlaydi. Xoda bir tarafiga oppoq surp yoyib tikadi. Tag‘in bir tarafiga qizil surp 
yoyib tikadi. 
Bayroq — qovunpalak qo‘riqlovchi misol bo‘ladi. 
Bayroqchi bayroqni oldimga do‘qillatib qo‘yadi. 
— Ana, daftar-qalam! — deydi. 
Men bayroqni ko‘tarib-ko‘tarib ko‘raman. Bir qo‘lim bilan ko‘tarolmay, qo‘shqo‘llab arang 
ko‘taraman. 
«Og‘ir bo‘lsa-da mayli, — deyman. — O‘lib paxta tergandan ko‘ra, shuni ko‘tarib yura beraman». 
Bayroqchi meni dalama-dala ergashtiradi. Yurajak yo‘llarimni tayinlaydi. Turajak joylarimni 
tayinlaydi. Bajarajak yumushlarimni bot-bot bayonlaydi. 
Bayroqchi aji-buji dorilar bilan bulg‘anmish janda chopon beradi. 
— Manavi tanapo‘sh, — deydi. — Jaydari tanapo‘sh. Tanapo‘sh chopon yirtiq-yirtiq bo‘ladi. 
Tanapo‘sh chopon qo‘lansa is-qo‘lansa is bo‘ladi.